မကွေးတိုင်း၊ ဂန့်ဂေါခရိုင်၊ ထီးလင်းမြို့ပေါ်နေ အရပ်သားပြည်သူများ၊ စစ်ကောင်စီလက်အောက်ခံတပ်သားများ၊ ပျူများအနေဖြင့် ဒီဇင်ဘာ ၃၁ရက်နောက်ဆုံးထားကာ ထီးလင်းမြို့ကို စွန့်ခွာကြဖို့ ထီးလင်းမြို့နယ် ပြည်သူ့အုပ်ချုပ်ရေးခြုအဖွဲ့က သတိပေးစာထုတ်ပြန်လိုက်ပါတယ်။ထီးလင်းမြို့နယ်မှာ စစ်ဆင်ရေးများပိုမိုပြင်းထန်လာမှာဖြစ်တာကြောင့် သတ်မှတ်ရက်အတွင်း ထီးလင်းမြို့ပေါ်က ထွက်ခွာခြင်းမရှိပါက နောက်ဆက်တွဲကိစ္စရပ်တွေကို တာဝန်ယူမှာမဟုတ်ဘူးလို့ ဆိုပါတယ်။၊ထီးလင်းမြို့ပေါ်နေပြည်သူတွေအနေနဲ့ စစ်ကောင်စီအခြေစိုက်နယ်မြေဖြစ်တဲ့ ထီးလင်းမြို့ကို စွန့်ခွာပြီး အမျိုးသားညီညွတ်ရေးအစိုးရ စိုးမိုးနယ်မြေတွေကို လာရောက်ခိုလှုံကြဖို့ နဲ့ စစ်ကောင်စီတပ်ဖွဲ့ဝင်များ၊ ပျူစောထီးများအနေနဲ့ အမြန်ဆုံးပြည်သူ့ရင်ခွင်အလင်းဝင်ရောက်ကြဖို့ အသိပေးထားပါတယ်။
NUG ထိန်းချုပ်နယ်မြေအတွင်းရှိ ပြည်သူများ ပအဖ၊ ပကဖများ တပ်ရင်းတပ်ဖွဲ့များ အနေနဲ့ စစ်ကောင်စီအခြေစိုက်ထားတဲ့ ထီးလင်းမြို့ပေါ်မှာ နေထိုင်သူများအားလုံးကို နွေးထွေးစွာကြိုဆိုနေတယ်လို့ ဆိုပါတယ်။ထီးလင်းမြို့ပေါ်ရှိပြည်သူများ၊ စစ်အုပ်စုနဲ့ ပျူစောထီးများအနေနဲ့ ဖုန်းနံပါတ် ၀၉၂၅၈၁၂၆၂၉၅၊ ၀၉၈၈၉၀၆၂၆၄၅၊ ၀၉၈၉၈၆၉၇၆၆၉၊ ၀၉၂၆၈၃၇၁၁၀၃၊ ၀၉၂၆၁၀၂၄၈၂၅ကို ကိုဆက်သွယ်ပြီး အမြန်ဆုံးထွက်ခွာကြဖို့ ထီးလင်းမြို့နယ်ပြည်သူ့အုပ်ချုပ်ရေးအဖွဲ့က အထူးသတိပေးထားပါတယ်။
More Stories
စစ်တပ်က ဖမ်းဆီးခြင်းကို ခံထားရတဲ့ပြည်သူ တစ်ဦး လက်နက်တွေပါယူဆောင်ပြီး တော်လှန်ရေးတပ်တွေထံ အပ်နှံလို့ သိန်းတစ်ရာချီးမြှင့်၊ပခုက္ကူ တပ်မ ၁၀၁က တပ်သားသစ်စုဆောင်းခံရသူတစ်ဦး လက်နက်တွေနဲ့အလင်းဝင်လာလို့ သိန်း ၁၀၀နဲ့ ဖုန်း ၁လုံးချီးမြှင့်
ငဖဲရှိ ဂုတ်စည်းရိုးစခန်းကို AA သိမ်းပိုက်၊ မအလ ဇာတိ မင်းဘူးမြို့ထိ တိုက်ပွဲနီးကပ်လာ
တိုက်ပွဲသတင်းများ