ကရင်ပြည်နယ်၊ KNU တပ်မဟာ ၅ နယ်မြေ၊ ဖာပွန်ခရိုင်အတွင်းက စစ်ကောင်စီတပ်စခန်း ၂ခုကို KNLA ဦးဆောင်တဲ့ တော်လှန်ရေးပူးပေါင်းတပ်တွေက သိမ်းပိုက်လိုက်တယ်လို့ သိရပါတယ်။စစ်ကောင်စီရဲ့ တောင်သုံးလုံးစခန်းကို ဒီဇင်ဘာ ၃ရက်နေ့နဲ့ ဒီဇင်ဘာ ၄ရက်နေ့မှာ ဆင်စွယ်တပ်စခန်းတို့ကို သိမ်းပိုက်ရရှိပြီး သုံ့ပန်း ၃၆ဦးနဲ့ လက်နက် ၄၀ ကျော် ခဲယမ်းတွေကိုပါ သိမ်းဆည်းရမိတယ်လို့ သိရပါတယ်။
နိုဝင်ဘာ ၂၂ ရက်နေ့က ဖာပွန်မြို့တောင်ဘက် ဖာပွန်-ကတိုင်တိ-ကမမောင်းကာလးမ်ပေါ်မှာတည် ရှိတဲ့ စစ်ကောင်စီတပ်ရဲ့ မထောတပ်စခန်းကို KNLA တပ်မဟာ ၅ ဦးဆောင်တဲ့ မဟာမိတ်တော်လှန်ရေးပူးပေါင်းအဖွဲ့တို့က တိုက်ခိုက်သိမ်းပိုက်ခဲ့ပြီးနောက် အဲ့ဒီစခန်းက စစ်ကောင်စီတပ်ဖွဲ့ဝင် အများအပြားဟာ အခုသိမ်းပိုက်လိုက်တဲ့ တောင်သုံးလုံးစခန်းဘက်ကို ဦးတည်ဆုတ်ခွာထွက်ပြေးသွားခဲ့တာဖြစ်ပါတယ်။ပြီးခဲ့တဲ့ နိုဝင်ဘာ ၉ ရက်နေ့က ဖာပွန်မြို့နယ်အတွင်းရှိ စစ်ကောင်စီရဲ့ နှစ်ပေါင်း ၇၀ ကျော်ကြာသက်တမ်းရှိ ကူးဆိပ်စခန်းကို သိမ်းပိုက်နိုင်ခဲ့ပြီး အောက်တိုဘာ ၃၁ ရက်နေ့မှာလဲ အရေးပါတဲ့ စခန်းကြီးတစ်ခုဖြစ်တဲ့ ခေါပုတ်စခန်းကို KNLA နဲ့ တော်လှန်ရေးပူးပေါင်း တပ်ဖွဲ့များက သိမ်းပိုက်ရရှိခဲ့ပါတယ်။ဖာပွန် – ကတိုင်တိ – ကမမောင်း ကားလမ်းမှာတော့ ကရင့်နယ်ခြားစောင့်တပ်ရင်း အမှတ် ၁၀၁၃ တပ်ရင်း ၊ အမှတ် ၁၀၁၄ တပ်ရင်း တို့အပြင် ကတိုင်တိ၊ ကညင်ဒုံ နဲ့ ကမမောင်း ဗျုဟာ စခန်းတွေ ကျန်ရှိနေဆဲ ဖြစ်ပြီး KNLA က ဆက်တိုက်သိမ်းပိုက်နေတယ်လို့ ဒေသတွင်းသတင်းတွေအရ သိရပါတယ်။
More Stories
စစ်တပ်က ဖမ်းဆီးခြင်းကို ခံထားရတဲ့ပြည်သူ တစ်ဦး လက်နက်တွေပါယူဆောင်ပြီး တော်လှန်ရေးတပ်တွေထံ အပ်နှံလို့ သိန်းတစ်ရာချီးမြှင့်၊ပခုက္ကူ တပ်မ ၁၀၁က တပ်သားသစ်စုဆောင်းခံရသူတစ်ဦး လက်နက်တွေနဲ့အလင်းဝင်လာလို့ သိန်း ၁၀၀နဲ့ ဖုန်း ၁လုံးချီးမြှင့်
မဲပလီစခန်းက ဒုတပ်ရင်းမှူး ဗိုလ်မှူးခန့်နိုင်၊ ဗိုလ်ကြီးဇော်မင်းအပါ ၄၀ကျော်သေဆုံးပြီး စစ်ဦးစီး(တတိယတန်း)G3 ဗိုလ်ကြီးသော်တာအပါအဝင် စစ်သုံ့ပန်း(၂၇)ဦးဖမ်းမိ
ငဖဲရှိ ဂုတ်စည်းရိုးစခန်းကို AA သိမ်းပိုက်၊ မအလ ဇာတိ မင်းဘူးမြို့ထိ တိုက်ပွဲနီးကပ်လာ