မုံရွာမြို့အဝင် မအူဂိတ်မှာ အစီး၆၀ကျော်ပါစစ်ယာဉ်တန်းကို တိုက်ခိုက်လို့ စစ်သား ၂ဦးသေ၊ ၅ဦးအရှင်မိ

စစ်ကိုင်းတိုင်း၊ မုံရွာမြို့အဝင် မအူဂိတ်အနီးမှာ အစီး ၆၀ကျော်ပါစစ်ကောင်စီယာဉ်တန်းကို မိုင်းဆွဲ ပစ် ခတ်တိုက်ခိုက်ခဲ့ရာ စစ်သား ၂ ဦးသေဆုံးပြီး ၅ ဦးအရှင်ဖမ်းမိခဲ့တယ်လို့ သိရပါတယ်။ဒီဇင်ဘာလ ၁၅ ရက် ညနေ ၄ နာရီ ၃၀ မိနစ်အချိန်က စစ်ကိုင်းမြို့တပ်မ ၃၃ ကနေ မုံရွာဘက် ထွက်လာတဲ့ စစ်ကောင်စီရဲ့ သံပြားကာ ကား ၆ စီး၊ ကြေးနီသယ်ကား ၆၆ စီးပါ ယာဉ်တန်းမှ သံပြားကာ ကား ၆ စီးအနက် တတိယမြောက်ကားကို ပဒေသာ မိုင်း ၅ လုံးဖြင့် ၁ ကြိမ်၊ ကြေးနီးတင်ကား ၆၆ စီးအနက် ၈ စီးမြောက်ကားကို ရှေ့ထွက်ပြောင်း ၃ လုံးဖြင့် ၁ကြိမ် တိုက်ခိုက်ခဲ့တယ်ုလိ့ သိရပါတယ်။

ကျန်ရှိကားများကိုလည်း လက်နက်ငယ်များဖြင့် ဝိုင်းဝန်းပစ်ခတ်တိုက်ခိုက်ခဲ့ရာ စစ်သား ၂ ဦးသေဆုံးပြီး ၇ ဦးဒဏ်ရာရရှိကာ ကြောက်လန့်ပြီး ကားပေါ်မှ ဆင်းပြေးလာတဲ့ စစ်သား ၅ ဦးကိုလည်း အရှင်ဖမ်းဆီးနိုင်ခဲ့တယ်လို့ သိရပါတယ်။အဆိုပါ တိုက်ခိုက်မှုကို Brave Heart Army – BHA ၊ Golden Tiger Force – GTF ၊ Royal God People Defense Force – R.G PDF တပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာ ကွယ်ရေးတပ်ဖွဲ့ဝင်တစ်ဦး မစိုးရိမ်ရ ဒဏ်ရာရရှိခဲ့တယ်လို့ သိရပါတယ်။