မတ္တရာမှာ စစ်ကောင်စီ လက်နက်ကြီးကြောင့် ကလေးငယ် ၂ဦးသေဆုံး

မန္တလေးတိုင်း၊ မတ္တရာမြို့နယ် ထန်းတောကုန်းရွာမှာ စစ်ကောင်စီတပ်က ပစ်လွှတ်လိုက်တဲ့လက်နက်ကြီးကြောင့် ကလေးငယ် ၂ဦးသေဆုံးပြီး ပြည်သူ ၃ဦးဒဏ်ရာရရှိသွားကြောင်း ပြည်သူ့ကာကွယ်ရေးတပ်မတော် (မန္တလေး)က သတင်းထုတ်ပြန်ပါတယ်။ဒီနေ့ ဒီဇင်ဘာလ (၂၆) ရက် ညနေ ၃နာရီ မိနစ် ၂၀ခန့်မှာ စစ်ကောင်စီတပ်က ပစ်လွှတ်လိုက်တဲ့ လက်နက်ကြီးကျည်ဟာ မတ္တရာမြို့နယ် ၊ ထန်းတောကုန်းကျေးရွာ ဘုန်းကြီးကျောင်းအတွင်း ကျရောက်ပေါက်ကွဲခဲ့တယ်လို့သိရပါတယ်။အကြမ်းဖက် စစ်ကောင်စီရဲ့ မဆင်မခြင် လက်နက်ကြီးပစ်ခတ်မှုကြောင့် ကလေးငယ် (၂) ဦး အသက်ဆုံးရှုံးခဲ့ရပြီး ပြည်သူ (၃)ဦး ထိခိုက်ဒဏ်ရာရရှိခဲ့ကာ စစ်ကောင်စီဟာ စစ်ရှုံးလာတာနဲ့အမျှ ပြည်သူကို ပစ်မှတ်ထားပြီး စစ်ရာဇဝတ်မှုများကို အကြိမ်ကြိမ် ကျူးလွန်နေတယ်လို့ ထုတ်ပြန်ချက်က ဆိုပါတယ်။ပြည်သူ့ကာကွယ်ရေးတပ်မတော် (မန္တလေး) နဲ့ အကြမ်းဖက် စစ်ကောင်စီတပ်များအကြား မတ္တရာမြို့နယ် ၊ သပိတ်ကျင်းမြို့နယ် နဲ့ နောင်ချိုမြို့နယ်တို့မှာ တိုက်ပွဲတွေဖြစ်ပွားနေတယ်လို့ အသိပေးထားပါတယ်။