ယောဒေသလွတ်မြောက်ရေး စစ်ရှိန်မြှင့်မယ်လို့ယောတပ်တော် ကြေညာ

ယောဒေသလွတ်မြောက်ရေး စစ်ရှိန်မြှင့်မယ်လို့ မတူပီမြို့နဲ့မင်းတပ်မြို့သိမ်းတိုက်ပွဲမှာ ပါဝင်တိုက်ခိုက်ခဲ့တဲ့ ယောတပ်တော်-YAက မနေ့ကဒီဇင်ဘာ၂၄ရက်မှာကြေညာပါတယ်။အိမ်နီးချင်း ချင်းပြည်နယ်ရဲ့လွတ်မြောက်မှုဟာယောဒေသ ပြည်သူတွေရဲ့လုံခြုံမှုဖြစ်ပြီး ၊ ယောဒေသလွတ်မြောက်မှုဟာလည်းအိမ်နီးချင်းမဟာမိတ်တွေအတွက် လုံခြုံမှုဖြစ်တယ်လို့ဆိုပါတယ်။ယောဒေသလွတ်မြောက်ရေး ကြိုးပမ်းရာမှာယောဒေသရှိ ဂန့်ဂေါ ၊ ကျော၊ ထီးလင်း၊ ကျောက်ထု၊ ဆော၊ လောင်းရှည်စတဲ့ဒေသတွေကျုံးဝင်တယ်လို့သိရပါတယ်။

YAဟာ အာရက္ခတပ်တော်(AA) ၊ချင်းညီ‌နောင်၊ ယောကာကွယ်ရေးတပ် (YDF) အပြင်အခြား မဟာမိတ်တွေနဲ့အတူပူးပေါင်းပြီး မတူပီအခြေချ စစ်ဗျူဟာတွေနဲ့ မင်းတပ်မြို့ ခလရ(၂၇၄)နဲ့ မင်းတပ်မြို့မရဲစခန်း သိမ်းတိုက်ပွဲတွေမှာပါဝင်တိုက်ခိုက်ခဲ့တယ်လို့အသိပေးထားပါတယ်။စစ်ဆင်ရေးတစ်လျှောက် မဆုတ်မနစ်တဲ့ ဇွဲသတ္တိတို့နဲ့တိုက်ပွဲဝင် ပေးဆပ်ခဲ့တဲ့ထိခိုက်ကျဆုံး အာဇာနည်များ ၊အောင်ပွဲရတပ်မှူးများ နဲ့ ရဲဘော်များအားလုံးရဲ့ဆင့်ကဲအမိန့်နာခံမှုကောင်းမွန်ခြင်း ၊ လက်ရုံးရည်၊နှလုံးရည်ပြည့်ဝခြင်း တို့ကိုအထူးပင် လေးစားဂုဏ်ယူ အလေးပြုကြောင်းလည်းထုတ်ပြန်ချက်မှာဖော်ပြထားပါတယ်။