အကြမ်းဖက် ရဲနှစ်ဦးကို ဖမ်းဆီးရာမှာခုခံတာကြောင့် PDF တွေ အသေပစ်ခတ်ခဲ့ရ

မကွေးတိုင်း ရေနံချောင်းမြို့နယ်မှာ ဒီဇင်ဘာ ၁၁ ရက်နေ့က လက်မှတ်ကုန်းနယ်မြေ ရဲစခန်းက ရဲနှစ်ဦးသည် အရပ်ဝတ်ကိုယ်စီဖြင့် သတင်းထောက်လှမ်းဖို့ထွက်လာစဉ် တော်လှန်ရေးတပ်များက ဝိုင်းဝန်းဖမ်းဆီးဖို့ ကြိုးစားခဲ့ပါတယ်။ ရဲဒုတပ်ကြပ်အောင်ဒင်နှင့် ဒုတပ်ကြပ်မြတ်စိုးနိုင်ဆိုသူ နှစ်ဦးအား မကျည်းတိုင်း-ဖိုးကိုးလမ်းပိုင်းတွင် ဖမ်းဆီးဖို့လုပ်ရာမှာ လက်ပစ်ဗုံးဖြင့်ပြန်လည်ခုခံတာကြောင့် ပစ်ခတ်ခဲ့ရာသေဆုံးသွားကြောင်း ရေနံချောင်း PDFတာဝန်ခံ ကိုစံသျှားက ပြောပါတယ်။

၄င်းတို့က လက်ပစ်ဗုံးနဲ့ပြန်လည်ခုခံဖို့ကြိုးစားခဲ့ကြတာဖြစ်ပြီး တော်လှန်ရေးတပ်များပစ်ခတ်မှုကြောင့် တဦးက ပွဲချင်းပြီးသေကာ နောက်တဦးမှာတော့ သွေးထွက်လွန်သေကြောင်း PDFတာဝန်ခံ က ဆိုပါတယ်။ ပစ်ခတ်မှုဖြစ်ပွားပြီးနောက် နေ့လယ် ၂နာရီခန့်မှာတော့ အင်အား ၁၅ဦးခန့်ပါ ရဲကား ၂စီးရောက်ရှိလာသော်လည်း အခင်းဖြစ်တဲ့ နေရာကိုတောင် မရောက်လာရဲဘဲ နောက်လှည့်ပြန်သွားကြောင်း ဒေသခံများထံမှ သိရပါတယ်။ သေဆုံးသွားတဲ့ ရဲနှစ်ဦးထံမှ သေနတ်သိမ်းယူနိုင်ခြင်းမရှိပေမယ့် လက်ပစ်ဗုံးတစ်လုံး၊ ရဲစာရွက်စာတမ်းများနှင့် ဖုန်း သုံးလုံးသိမ်းဆည်းရမိခဲ့ကြောင်း ရေနံချောင်း PDFက အသိပေးပါတယ်။ People’s Defence Force -Yenangyaung ၊Tamar Myay Special Coloum, Midland Dolphin’s Coloum တို့ ပူးပေါင်းတိုက်ခိုက်အောင်မြင်မှု ဖြစ်သည်။