မန္တလေးတိုင်းအတွင်း တိုက်ခိုက်နေတဲ့ ပြင်ဦးလွင်ပကဖရဲ့ စစ်ပညာသင်တန်းဆင်းပွဲကျင်းပ

မန္တလေးတိုင်းအတွင်း မြို့သိမ်း၊ စခန်းသိမ်းတိုက်ပွဲတွေမှာ ပါဝင်တိုက်ခိုက်နေတဲ့ ပြင်ဦးလွင်ခရိုင် ပကဖရဲ့ အပတ်စဉ် က/၂၀၂၄ အခြေခံ စစ်ပညာသင်တန်းဆင်းပွဲကို‌ ဒီဇင်ဘာလ ၅ရက်နေ့က ကျင်းပပြုလုပ်ခဲ့တယ်လို့ ပကဖအသံက ထုတ်ပြန်ပါတယ်။ပြင်ဦးလွင်ခရိုင် ပကအဖွဲ့ဟာ အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန အမှတ်(၁) စစ်ဒေသလက်အောက်မှာရှိတဲ့ တပ်ဖွဲ့ဖြစ်ပြီး မန္တလေးတိုင်းအတွင်း တော်လှန်ရေးပူးပေါင်းတပ်တွေနဲ့ စစ်ကောင်စီစခန်းတွေကို တိုက်ခိုက်နေတဲ့အဖွဲ့ဖြစ်ပါတယ်။ပြီးခဲ့တဲ့ ဩဂုတ်လ ၁ရက်နေ့က သပိတ်ကျင်းမြို့နယ်၊ မိုးကုတ် – မန္တလေးလမ်းပိုင်းရှိ ချောင်းကြီးရဲစခန်းကို ဘူဒိုဇာသုံးပြီး တိုက်ခိုက်သိမ်းပိုက်မှု၊ မန္တလေးနန်းတွင်းရှိ အလယ်ပိုင်းတိုင်းစစ်ဌာနချုပ်(လပခ)ကို (၁၀၇)မမ ဖြင့်ပစ်ခတ်တိုက်ခိုက်ခဲ့မှုတွေအပြင် မန္တလေးတိုင်းအတွင်းက မြို့သိမ်းတိုက်ပွဲတွေမှာ MDY PDF၊ ပြည်သူ့လွတ်မြောက်ရေးတပ်မတော် PLA၊ Brave Warriors for Myanmar(BWM) စတဲ့ မဟာမိတ်တပ်တွေနဲ့ပူးပေါင်းကာ ပြင်ဦးလွင်ခရိုင် ပကဖအဖွဲ့တပ်ရင်းတပ်ဖွဲ့တွေ ပါဝင်တိုက်ခိုက်ခဲ့တယ်လို့ သိရပါတယ်။