စစ်ကိုင်းမြို့ပေါ်က ရဲတပ်ကြပ်ကြီးတစ်ဦးကို နေအိမ်အတွင်း ဝင်ရောက်ဖမ်းဆီး၊ လက်နက်ခဲံယမ်းများလည်းရရှိ

စစ်ကိုင်းတိုင်း၊ စစ်ကိုင်းမြို့ပေါ်က ရဲတပ်ကြပ်ကြီးတစ်ဦးကို နေအိမ်အတွင်း ဝင်ရောက်ဖမ်းဆီးခဲ့ကာ လက်နက်ခဲံယမ်းများလည်းရရှိခဲ့ကြောင်း ရတနာပုံ တပ်ဦးက သတင်းထုတ်ပြန်ပါတယ်။မနေ့က ဒီဇင်ဘာလ ၈ ရက် နံနက် ၁၁ နာရီခန့်က စစ်ကိုင်းမြို့ပေါ်ရှိ ရပ်ကွက်တစ်ခုအတွင်း ထိုး ဖောက်ဝင်ရောက်ကာ အမှတ် ၃ ရဲလေ့ကျင့်ရေးသင်တန်းကျောင်းမှ ရဲတပ်ကြပ်ကြီး ယဉ်ထွန်းမောင် ကို နေအိမ်အတွင်း ဝင်ရောက်ဖမ်းဆီးခဲ့ခြင်းဖြစ်တယ်လို့ သိရပါတယ်။

အဆိုပါ ရဲတပ်ကြပ်ကြီးနဲ့ အတူ 7.62 ကျည် ၁၈ တောင့်၊ 5.56 ကျည် ၃၈ တောင့်၊ လက်ပစ်ဗုံး ၁ လုံး ၊ လက်ထိပ် ၁ ခု၊ ဦးထုတ် ၂ လုံး၊ အပေါ်ဖောင်း ၂ စုံ တို့ကို သိမ်း ဆည်းရရှိခဲ့တယ်လို့ သိရပါတယ်။ဖမ်းဆီးနိုင်ဖို့အတွက် သေချာပြင်ဆင်ပြီးမှ လှုပ်ရှားခဲ့ခြင်းဖြစ်ကြောင်း၊ နေအိမ်အတွင်း မိသားစုဝင်များရှိနေပြီး ၎င်းတို့ကိုတော့ ဘာမှမလုပ်ဘဲ တပ်ကြပ်ကြီးတစ်ဦးကိုသာ ဖမ်းဆီးလာခြင်းဖြစ်ကြောင်း ရတနာပုံ တပ်ဦး တာဝန်ခံက မီဒီယာကို အသိပေးထားပါတယ်။အဆိုပါ လုပ်ဆာင်မှုကို Brave Revolution Force – B.R.F ၊ ရတနာပုံတပ်ဦး၊ Brave Soldiers Guerilla Force နှင့် မဟာမိတ်အဖွဲ့များ ပူးပေါင်းကာ လုပ်ဆောင်ခဲ့ခြင်းဖြစ်ပြီး ပြည်သူ့ကာကွယ်ရေး ရဲဘော်များ အထိအခိုက်မရှိ အောင်မြင်ခဲ့တယ်လို့ သိရပါတယ်။