လက်နက်ကြီးများရှိတဲ့ ခမရ ၂၆၆ ကာကင်းကို ချင်းပြည်အစိုးရအဖွဲ့တိုက်ခိုက်လို့ စစ်သား ၃ ဦးသေဆုံးပြီး ၁၁ ဦးဒဏ်ရာရ ၊ သေနတ် ၃ လက် သိမ်းဆည်းရရှိ

ချင်းပြည်နယ်၊ ဟားခါးမြို့နယ်၊ ဟားခါးရပ်ကွက်အနီးရှိ ခမရ ၂၆၆ ကာကင်းကို ချင်းပြည်အစိုးရတပ်ဖွဲ့တွေက တိုက်ခိုက်ခဲ့လို့ စစ်တပ်ဘက်က ၃ ဦးသေဆုံးပြီး ၁၁ ဦးဒဏ်ရာရကာ သေနတ် ၃ လက် သိမ်းဆည်းရရှိခဲ့တယ်လို့ သိရပါတယ်။ဟားခါးရပ်ကွက်အနီးရှိ လက်နက်ကြီးများရှိတဲ့ ခမရ ၂၆၆ ကာကင်းကို ဒီဇင်ဘာလ ၆ ရက်နေ့မှာ CNA ဦးဆောင်တဲ့ ချင်းပြည်အစိုးရတပ်ဖွဲ့တွေက ဝင်ရောက်တိုက်ခိုက်ခဲ့ခြင်းဖြစ်တယ်လို့ သိရပါတယ်။အဆိုပါတိုက်ပွဲမှာ စစ်တပ်ဘက်က ၃ ဦးသေဆုံးပြီး ၁၁ ဦဒဏ်ရာရရှိခဲ့ကာ သေနတ် ၃ လက် သိမ်းဆည်းရရှိပြီး ယနေ့ အချိန်အထိ ကာကင်းကို သိမ်းပိုက်ရရှိရေး ဆက်လက် တိုက်ပွဲဖြစ်ပွားနေဆဲဖြစ်တယ်လို့ သိရပါတယ်။

ချင်းပြည်အစိုးရအဖွဲ့တွေနဲ့ ချင်းတော်လှန်ရေးတပ်တွေက ချင်းပြည်နယ်အတွင်း ဟားခါး-ထန်တလန်ကြားက စစ်ကောင်စီတပ်စခန်းတွေကို တိုက်ခိုက်နေတာဖြစ်ပြီး C3 တောင်စခန်းအပါအဝင် တပ်စခန်း ၆ခုထိသိမ်းပိုက်ထားပြီး စစ်တပ်ဘက်က ၃၀ကျော်သေဆုံးကာ သုံ့ပန်း ၂၀နီးပါးနဲ့ လက်နက်ခဲယမ်းတွေ သိမ်းပိုက်ရရှိထားပါတယ်။ဒါ့အပြင် ချင်းညီနောင်နဲ့ အာရက္ခတပ်တော် AA ပူးပေါင်းအဖွဲ့တွေက ပြီးခဲ့တဲ့ နိုဝင်ဘာ ၉ရက်ကစပြီး ချင်းပြည်နယ် မင်းတပ်နဲ့ ဖလမ်းမြို့သိမ်းတိုက်ပွဲတွေ ဆင်နွှဲနေဆဲဖြစ်ပါတယ်။