နွေဦးဘဏ်အစုရှယ်ယာ ​ဒေါ်လာ ၁၀ သန်းဖိုးရောင်းချထားနိုင်ပြီး ဝယ်လိုအားများလို့ ၃ရက်ထပ်တိုးရောင်း

နွေဦးဖွံ့ဖြိုးရေးဘဏ်-SDG ဘဏ်က ဒုတိယအကြိမ်အဖြစ် အစုရှယ်ယာများရောင်းချလျက်ရှိရာ သတ်မှတ်ချိန်မတိုင်ခင် မျှော်မှန်းပမာဏ ဒေါ်လာ ၁၀သန်းဖိုးရောင်းချထားပြီလို့ သိရပါတယ်။နွေဦးဘဏ် ဒုတိယအကြိမ်‌အစုရှယ်ယာ ICO Round ‌2 ပရောဂျက်ကို နိုဝင်ဘာ ၁၅ရက်ကနေ ဒီဇင်ဘာ ၅ရက် ည၁၂နာရီအထိရောင်းချပေးမယ်လို့ သတ်မှတ်ခဲ့ပေမယ့် ညနေ ၃နာရီကျော်မှာပဲ မျှော်မှန်းပမာဏ ပြည့်မီခဲ့တာဖြစ်ပြီး ဝယ်လိုအားများနေတာကြောင့် နောက်ထပ် ၃ရက်ထပ်တိုးရောင်းချပေးမယ်လို့ သိရပါတယ်။အိမ်ပြန်လှိုင်းသစ် ICO Round 2 ကို ရက်တိုးရောင်းချပေးဖို့ စစ်တမ်းကောက်ယူခဲ့ရမှာ ရက်တိုးပေးဖို့အဆိုပြုသူများတာကြောင့် အစုရှယ်ယာရောင်းချခြင်းကို ဒီဇင်ဘာ ၈ရက်အထိတိုးမြှင့်လိုက်ကြောင်း SDG ဘဏ်က ကြေညာထားပါတယ်။စတင်ရောင်းချသည့်နေ့မှာပဲ ၂၄ နာရီ အတွင်း ဒေါ်လာ ၂.၂ သန်းကျော်ဖိုးရောင်းချရခဲ့ပြီး နောက်ဆုံးရက်မှာ တစ်ဦးတည်း အမေရီကန်ဒေါ်လာ ၃သိန်းထိဝယ်ယူသူတွေနဲ့ ပြည်တွင်းကနေ ဒေါ်လာသိန်းချီဝယ်ယူသူတွေလည်းရှိနေတယ်လို့ သိရပါတယ်။