ဟားခါး-ထန်တလန်ကြားက စစ်ရေးအရအရေးပါတဲ့ C3 စခန်းကုန်းကို ချင်းပြည်အစိုးရတပ်က သိမ်းပိုက်လိုက်ပြီလို့ သိရပါတယ်။ဟားခါးနဲ့-ထန်တလန်ကြား စစ်ရေးအရ အရေးပါတဲ့ C3စခန်းကုန်းကို မနေ့က ဒီဇင်ဘာ ၄ရက် ညနေပိုင်းမှာ ချင်းပြည်အစိုးရတပ်တွေက သိမ်းပိုက်ခဲ့တာဖြစ်ပြီး စစ်အင်အား ၃၀ခန့်ဟာ တိုက်ခိုက်ခံရချိန်မှာ ထွက်ပြေးသွားပြီး အော်တိုတောင်စခန်းမှာ သွားရောက်ပူးပေါင်းနေတယ်လို့ မြေပြင်သတင်းတွေအရသိရပါတယ်။လက်ရှိမှာ နယ်မြေရှင်းလင်းရေးဆောင်ရွက်နေပြီး သီမြစ် စခန်းကနေ သေနတ် ၂ လက်၊ လက်ပစ်ဗုံးနဲ့ ခဲယမ်းတချို့ကို သိမ်းဆည်း ရမိခဲ့တယ်လို့သိရပါတယ်။
ဟားခါးနဲ့ ထန်တလန်းကြားက စစ်စခန်းအမျးစုကို တော်လှန်ရေးတပ်တွေက ပြီးခဲ့တဲ့ ဇူလိုင်လကတည်းက သိမ်းပိုက်ထိန်းချုပ်ခဲ့ပေမယ့် စစ်ကောင်စီက အင်အားအလုံးအရင်းနဲ့ ထိုးစစ်ဆင်ခဲ့တာကြောင့် အောက်တိုဘာ ဒုတိယအပတ်မှာ စစ်ကောင်စီက ပြန်လည်တပ်စွဲနေရာယူခဲ့တာဖြစ်ပါတယ်။ချင်းပြည်အစိုးရအနေနဲ့ နိုဝင်ဘာလ ၂၂ ရက်နေ့ကစလို့ တကျော့ပြန် စစ်ဆင်ရေးစတင်ဖော်ဆောင်ခဲ့ပြီး ဟားခါး-ထန်တလန်ကြားက စစ်ကောင်စီတပ် စခန်း ၅ ခုကို ပြန်လည် သိမ်းပိုက်ထားပြီဖြစ်ပါတယ်။သိမ်းပိုက်မှုတွေအတွင်း တပ်ရင်းမှူး ၃ ဦး အပါအဝင် ၃၀ ဦးကျော်သေဆုံးကာ လက်နက်ခဲယမ်း ၆၀ နီးပါး နဲ့ စစ်သုံ့ပန်း ၁၉ ဦးကိုလည်း ဖမ်းဆီးရရှိထားပါတယ်။
More Stories
စစ်တပ်က ဖမ်းဆီးခြင်းကို ခံထားရတဲ့ပြည်သူ တစ်ဦး လက်နက်တွေပါယူဆောင်ပြီး တော်လှန်ရေးတပ်တွေထံ အပ်နှံလို့ သိန်းတစ်ရာချီးမြှင့်၊ပခုက္ကူ တပ်မ ၁၀၁က တပ်သားသစ်စုဆောင်းခံရသူတစ်ဦး လက်နက်တွေနဲ့အလင်းဝင်လာလို့ သိန်း ၁၀၀နဲ့ ဖုန်း ၁လုံးချီးမြှင့်
ငဖဲရှိ ဂုတ်စည်းရိုးစခန်းကို AA သိမ်းပိုက်၊ မအလ ဇာတိ မင်းဘူးမြို့ထိ တိုက်ပွဲနီးကပ်လာ
တိုက်ပွဲသတင်းများ