ရေးမြို့နယ် စုံနံသာရွာကို ဖြတ်မောင်းလာတဲ့ ခမရ ၃၄၃တတပ်သားတွေပါကားကို ကြားဖြတ်တိုက်ခိုက်လို့ စစ်သား ၃ဦးသေဆုံး

မွန်ပြည်နယ်၊ ရေးမြို့နယ် စုံနံသာရွာကို ဖြတ်မောင်းလာတဲ့ ခမရ ၃၄၃တတပ်သားတွေပါကားကို ကြားဖြတ်တိုက်ခိုက်လို့ စစ်သား ၃ဦးသေဆုံးပြီး အများအပြားဒဏ်ရာရရှိသွားကြောင်း ရေးဘီလူးအဖွဲ့ထံက သိရပါတယ်။ရေးမြို့နယ်၊ စုံနံ့သာရွာကို ဖြတ်မောင်းလာတဲ့ ခြေမြန်တပ်ရင်း ခမရ ၃၄၃ တပ်က တပ်သားများ စီးနင်းလာတဲ့ ကားကို ဒီနေ့ ဒီဇင်ဘာ ၃ ရက်နေ့ မနက် ၉ နာရီ ၁၄ မိနစ်အချိန် ကြားဖြတ်တိုက်ခိုက်ခဲ့ခြင်းဖြစ်ပြီး အပြန်အလှန် ပစ်ခတ်မှုဖြစ်ပွားခဲ့တယ်လို့ သိရပါတယ်။ပစ်ခတ်မှုအတွင်း စစ်ကောင်စီတပ်သား ၃ဦးသေဆုံးပြီး ရေးဘီလူးတပ်ဖွဲ့မှ တပ်သား ၁ ဦး ခြေထောက်ထိမှန် ဒဏ်ရာရရှိခဲ့တယ်လို့ သိရပါတယ်။တိုက်ပွဲဖြစ်ပွားပြီးနောက် စစ်ကောင်စီတပ် ခမရ ၅၈၆၊ ၃၄၃၊ ၅၈၇ တပ်တွေကနေ လက်နက်ကြီးများပစ်ခတ်နေတယ်လို့ သိရပါတယ်။