ဗမာပြည်သူ့လွတ်မြောက်ရေးတပ်တော်(BPLA)က အညာဒေသတိုက်ပွဲများအတွက် တပ်သားသစ်များခေါ်ယူနေ တယ်လို့ ဒီနေ့ ညပိုင်းမှာ အသိပေးပါတယ်။BPLA ရဲ့ Facebook Page Messenger မှတဆင့် ဆက်သွယ်စုံစမ်းနိုင်တယ်လို့လည်း သိရပါတယ်။ဗမာပြည်သူ့လွတ်မြောက်ရေးတပ်တော်(BPLA)ဟာ ၁၀၂၇စစ်ဆင်ရေးမှာ ညီနောင်မဟာမိတ် ၃ဖွဲ့နဲ့အတူ ရှမ်းမြောက်ဒေသက တိုက်ပွဲတွေအတွင်း ပါဝင်တိုက်ခိုက်ခဲ့သလို ကရင်ပြည်နယ်ဘက်မှာလည်း KNLA တပ်တွေနဲ့ တိုက်ခိုက်လျက်ရှိပါတယ်။
ပြီးခဲ့တဲ့ အောက်တိုဘာ ၂၇ရက်နေ့ ၁၀၂၇စစ်ဆင်ရေးတစ်နှစ်ပြည့်နေ့မှာတော့ BPLA ဟာ အညာဒေသမှာရှိတဲ့ တော်လှန်ရေးတပ်တွေနဲ့ ပူးပေါင်းတိုက်ပွဲဖော်ဆောင်တော့မယ်လို့ ကြေညာခဲ့ပါတယ်။စစ်ကိုင်းတိုင်း၊ ပုလဲမြို့အခြေစိုက် ဗိုလ်နဂါးဦးဆောင်တဲ့ BNRA၊ NUG အစိုးရလက်အောက်က ပြည်သူ့ကာကွယ်ရေးတပ် ခေါင်းဆောင်တွေကလည်း BPLA ကိုကြိုဆိုကြပြီး အညာဒေသမှာ ပူးပေါင်းတိုက်ပွဲဖော်ဆောင်ဖို့ အသင့်ရှိတယ်လို့ ထုတ်ဖော်ပြောဆိုထားပါတယ်။အညာဒေသလို့ခေါ်တဲ့ စစ်ကိုင်းတိုင်းဟာ စစ်ကောင်စီရဲ့ လူ့အခွင့်အရေးအချိုးဖောက်ခံရဆုံးဒေသတစ်ခုဖြစ်ပြီး ဒေသခံတွေဟာ အစုလိုက်သတ်ဖြတ်မှုတွေအပါအဝင် ရက်စက်စွာသတ်ဖြတ်ခံပြီး နေအိမ်တွေရွာလုံးကျွတ်မီးရှို့ခံရတဲ့ဖြစ်စဉ်တွေ ရင်ဆိုင်နေရဆဲဖြစ်ပါတယ်။
More Stories
စစ်တပ်က ဖမ်းဆီးခြင်းကို ခံထားရတဲ့ပြည်သူ တစ်ဦး လက်နက်တွေပါယူဆောင်ပြီး တော်လှန်ရေးတပ်တွေထံ အပ်နှံလို့ သိန်းတစ်ရာချီးမြှင့်၊ပခုက္ကူ တပ်မ ၁၀၁က တပ်သားသစ်စုဆောင်းခံရသူတစ်ဦး လက်နက်တွေနဲ့အလင်းဝင်လာလို့ သိန်း ၁၀၀နဲ့ ဖုန်း ၁လုံးချီးမြှင့်
ငဖဲရှိ ဂုတ်စည်းရိုးစခန်းကို AA သိမ်းပိုက်၊ မအလ ဇာတိ မင်းဘူးမြို့ထိ တိုက်ပွဲနီးကပ်လာ
တိုက်ပွဲသတင်းများ