နိုဝင်ဘာလ ၂၅ ရက်နေ့မှာကျရောက်တဲ့ ၁၀၄ နှစ်မြောက် အမျိုးသားအောင်ပွဲနေ့ ဂုဏ်ပြုသဝဏ်လွှာကို အမျိုးသားညီညွတ်ရေးအစိုးရမှ ထုတ်ပြန်ခဲ့တာဖြစ်ပါတယ်။ အဆိုပါသဝဏ်လွှာထဲမှာတော့ စစ်ရေးနိုင်ငံရေးတော်လှန်ရေးကာလအတွင်း ဒုက္ခအဝဝခံနေရတဲ့ မြန်မာပြည်သူတွေကို အမျိုးသားညီညွတ်ရေးအစိုးရသည် ဘေးအန္တရာယ်အပေါင်းမှ ကင်းဝေးကြစေ ကြောင်း ဆုတောင်းမေတ္တာပို့သတယ်လို့ ရေးသားထားပါတယ်။ ၁၈၈၅ ခုနှစ်တွင် မိမိတို့နိုင်ငံသည် ကိုလိုနီနယ်ချဲ့လက်အောက်မှ လွတ်မြောက်ရေးအတွက် ပထမဆုံး သပိတ်တိုက်ပွဲဆင်နွဲသည့်နေ့ကို အမှတ်သညာပြုပြီး အမျိုးသားအောင်ပွဲနေ့ အဖြစ် သတ်မှတ်ခဲ့ကြပါသည်။ လွတ်လပ်ရေးရပြီးသည့်တိုင်လည်း နှစ်စဉ် အမျိုးသားအောင်ပွဲနေ့ကို ကျင်းပခြင်းဖြင့် တော်လှန်ရေးစိတ်ကိုနိုးကြားစေခဲ့ကြောင်း ဖော်ပြပါရှိပါတယ်။
ယနေ့ခေတ်သည် စစ်အာဏာရှင်စနစ်ဆိုးကို တောင်တန်းမြေပြန့် တိုင်းရင်းသား ပေါင်းစုံနှင့် မြန်မာပြည်သူလူထု တရပ်လုံးက ရရာလက်နက်ဖြင့်တော်လှန်ပြီး ဖယ်ဒရယ်ဒီမိုကရေစီပြည်ထောင်စုကြီး တည်ဆောက်ရေးအတွက် နွေဦး တော်လှန်ရေး ကြီးကို ဆင်နွဲနေသည့်ကာလဖြစ်ပါသည်။ ကိုလိုနီနှင့်ဖက်ဆစ်ဝါဒများကို အောင်မြင်ခဲ့သကဲ့သို့ ယခုလက်ရှိတော်လှန်ကြီးကိုလည်း တိုင်းရင်းသား၊ လူတန်းစားပေါင်းစုံ စည်းလုံးညီညွတ်စွာဖြင့် စစ်အာဏာရှင်စနစ်ကို အပြီးတိုင်ဖြိုဖျက် တွန်းလှန်နိုင်ဖို့အရေး အမျိုးသားညီညွတ်ရေးအစိုးရက တိုက်တွန်းထားပါတယ်။ ဒါ့အပြင် အမျိုးသားညီညွတ်ရေးအစိုးရအနေနဲ့ ဖက်ဒရယ်ဒီမိုကရေစီပြည်ထောင်စုပေါ်ပေါက်သည်အထိ တိုင်းရင်းသားများနှင့်အတူ ကျောချင်းကပ်တော်လှန်မယ်လို့လည်း ကတိပြုထားသည်ကို တွေ့ရပါတယ်။ သဝဏ်လွှာထဲတွင် ယခုခေတ်တော်လှန်ရေးမှာ ပြန့်ကြဲလျက်ရှိသော မဟာမိတ်တော်လှန်ရေးအင်အားစုအသီးသီးအနေနဲ့ (PDF)တပ်ရင်းများနှင့်အတူချိတ်ဆက်ပူးပေါင်းပြီး စနစ်တကျတွန်းလှန်ဖို့ ၊ ဖက်ဒရယ်ဒီမိုကရေစီနိုင်ငံတော်သစ်တည်ဆောက်ရေးအတွက် အတူကြိုးစားဖို့ ဖိတ်ခေါ်ပန်ကြားခဲ့ကြတာကို တွေ့ရသည်။
More Stories
စစ်တပ်က ဖမ်းဆီးခြင်းကို ခံထားရတဲ့ပြည်သူ တစ်ဦး လက်နက်တွေပါယူဆောင်ပြီး တော်လှန်ရေးတပ်တွေထံ အပ်နှံလို့ သိန်းတစ်ရာချီးမြှင့်၊ပခုက္ကူ တပ်မ ၁၀၁က တပ်သားသစ်စုဆောင်းခံရသူတစ်ဦး လက်နက်တွေနဲ့အလင်းဝင်လာလို့ သိန်း ၁၀၀နဲ့ ဖုန်း ၁လုံးချီးမြှင့်
ငဖဲရှိ ဂုတ်စည်းရိုးစခန်းကို AA သိမ်းပိုက်၊ မအလ ဇာတိ မင်းဘူးမြို့ထိ တိုက်ပွဲနီးကပ်လာ
တိုက်ပွဲသတင်းများ