မြိုင်မြို့နယ်၊ ကန်နီ ပျူရွာကို ဒရုန်းနဲ့ ဗုံးကြဲ တိုက်ခိုက်လို့ စစ်တပ်ဘက်က ထိခိုက်မှုရှိ

မကွေးတိုင်း၊ မြိုင်မြို့နယ်၊ ကန်နီ ပျူစောထီးရွာကို ဒရုန်းဖြင့် ဗုံးကြဲ တိုက်ခိုက်ရာ အကြမ်းဖက် စစ်ကောင်စီ တပ်သားများ ထိခိုက်မှုရှိကြောင်း ဗစ်တာပြောက်ကျားတပ်ဖွဲ့ထံက သိရပါတယ်။နိုဝင်ဘာလ ၂၃ ရက်နေ့မှာ ကန်နီရွာရှိ စစ်အုပ်စု တပ်စွဲထားရာ နေရာတွကို တော်လှန်ရေး တပ်ဖွဲ့တွေက ဒရုန်းနဲ့ ဗုံးကြဲ တိုက်ခိုက်ခဲ့တာပါ။အဆိုပါတိုက်ခိုက်မှုကို ဗစ်တာပြောက်ကျားတပ်ဖွဲ့ဖွဲ့စည်းခြင်း ၃ လပြည့်အနေနဲ့ တိုက်ခိုက်ခဲ့တာဖြစ်ပြီး စစ်ကောင်စီဘက်က ထိခိုက်မှုရှိပြီး အရေအတွက်ကို အတည်ပြုနိုင်ခြင်းမရှိသေးဘူးလို့ သိရပါတယ်။အဲ့ဒီတိုက်ခိုက်မှုကို ဗစ်တာပြောက်ကျားတပ်ဖွဲ့၊ လျှက်စည်းပြောက်ကျားတပ်ဖွဲ့၊ အညာမြေပြောက် ကျားတပ်ဖွဲ့၊ နယ်စည်းမခြား ဖရီးဒမ်း ဖက်ဒရယ် စစ်ကြောင်း(၁) နှင့် ပခုက္ကူခရိုင်တပ်ရင်း(၂) တို့က ပူးပေါင်း လုပ်ဆောင်ခဲ့တာလို့ သိရပါတယ်။