ရွှေဘိုတွင် စစ်ကောင်စီတပ်သားတစ်ဦး လက်နက်နှင့်တကွ အလင်းဝင်လာသဖြင့် ကျပ်သိန်း ၅၀ချီးမြှင့်

ဇန်နဝါရီ ၂၄၊ VOR

စစ်ကိုင်းတိုင်း ရွှေဘိုမြို့နယ်တွင် စစ်ကောင်စီတပ်သားတစ်ဦး ပြည်သူ့ကာကွယ်ရေးတပ်ဖွဲ့ထံသို့ လက်နက်ခဲယမ်းနှင့် တကွအလင်းဝင်လာခဲ့သဖြင့် ကျပ် သိန်း ၅၀ချီးမြှင့်ခဲ့ကြောင်း ဗိုလ်ကျားရိုင်း ပြည်သူ့ကာကွယ်ရေးတပ်ဖွဲ့ က သတင်းထုတ်ပြန်သည်။

ဇန်နဝါရီ ၂၃ရက်နေ့တွင် ဗိုလ်ကျားရိုင်း ပြည်သူ့ကာကွယ်ရေးတပ်ဖွဲ့ ထံသို့ G3 ၁ လက်၊ Magazine ၄ခု၊ ကျည် ၁၅၀ဖြင့် အလင်းဝင်ရောက်လာသောသူအား သိန်း ၅၀ကျပ်တိတိ ပြန်လည်ဆုချီးမြှင့်ပေးအပ်ခဲ့သည်ဟု သိရသည်။

ဗိုလ်ကျားရိုင်း တပ်ဖွဲ့သည် ပြီးခဲ့သည့် ဇန်နဝါရီ ၂၀ရက်နေ့က စစ်ကိုင်းတိုင်း၊ ရွှေဘိုမြို့နယ်၊ သီးလုံးရွာရှိ စစ်တပ် စခန်းများကို တိုက်ခိုက် သိမ်းပိုက်ရာတွင် ဒေသကာကွယ်ရေးတပ်များနှင့်အတူပါဝင်တိုက်ပွဲဝင်ခဲ့သည့်တပ်ဖွဲ့ဖြစ်ပြီး အဆိုပါတိုက်ပွဲတွင် စစ်ကောင်စီ တပ်သား ၁၄ ဦး အရှင် ဖမ်းဆီးရမိခဲ့သည်။