ကိုးကန့်ခေါင်းဆောင် ဦးဖုန်တဲရင်က စစ်ကောင်စီတပ်ထံက သိမ်းဆည်းထားသည့် လက်နက်များ စနစ်တကျ ပြန်အသုံးချရန် မှာကြားနေသည့် ရုပ်သံထွက်ပေါ်

ဇန်နဝါရီ ၁၉၊ VOR

ရှမ်းမြောက် ကိုးကန့်ဒေသ တိုက်ပွဲများ အတွင်း စစ်ကောင်စီတပ်စခန်းများထံမှ သိမ်းဆည်း ရရှိထားသည့် လက်နက် ခဲယမ်းများကို စနစ်တကျ ပြန်အသုံးချရန် ကိုးကန့် ခေါင်းဆောင် ဦးဖုန်တဲရင်က မှာကြားနေသည့် ရုပ်သံကို တရုတ်လူမှုကွန်ရက်များတွင် ဖော်ပြထားသည်။

ကိုးကန့် ခေါင်းဆောင် ဦးဖုန်တဲရင်က သိမ်းပိုက်ရယူထားသော စစ်တပ်စခန်းတစ်ခုသို့ သွားရောက် စစ်ဆေးလျက် ယခုလိုပြောကြားခဲ့ခြင်းဖြစ်သည်။

လက်ရှိ MNDDA သိမ်းပိုက် ထိန်းချုပ်ထားသည့် လောက်ကိုင်မြို့တွင် ကိုးကန့်ဒေသ အုပ်ချုပ်ရေး ပြန်လည်နေရာချထားရေး လုပ်ဆောင်လျက်ရှိရာ စစ်တပ်က ထောင်ထားခဲ့သည့် မိုင်းများကြောင့် ယမန်နေ့က ပြည်သူ ၃ဦးထိခိုက်ခဲ့သဖြင့် စစ်ကောင်စီ၏ မိုင်းနှင့် အခြားပေါက်ကွဲတက်သော စစ်ပစ္စည်းများ ရှင်းလင်းလုပ်ဆောင်နေကြောင်း သိရသည်။

https://www.facebook.com/VORLiveNews/videos/901001628065047