မကွေးတိုင်းမှာ စစ်ကောင်စီတပ်ရဲ့ အတင်းအဓမ္မ စစ်သားသစ် စုဆောင်းခံရသူ ၂ ဦး လက်နက်များ ယူဆောင်လာပြီး အလင်းဝင်လာကြောင်း ပြည်သူ့ကာကွယ်ရေးတပ်မတော် ကြိုးကြာနီတပ်ရင်း တပ်ရင်း ၇ က ထုတ်ပြန်ပါတယ်။စစ်ကောင်စီ တပ်သား ၂ ဦးဟာ မကွေးအရှေ့ခြမ်းပြည်သူ့ကာကွယ်ရေးတပ်တော် ကြိုးကြာနီတပ်ရင်း တပ်ရင်း ၇ ထံကို ဆက်သွယ်ပြီး အလင်းဝင်ရောက်လာခြင်းဖြစ်တယ်လို့ သိရပါတယ်။
အဆိုပါ စစ်ကောင်စီ တပ်သား ၂ ဦးဟာ MA-11 သေနတ် ၂ လက် ၊ ကျည်ဘောက် ၆ ဘောက် ၊ ၅.၅၆ ကျည် ၂၀၀ ဝန်းကျင်ခန့် ၊ လက်ပစ်ဗုံး ၁ လုံး ၊ ၁၄ နင်းမိုင်း ၁ လုံး တို့ကို ယူဆောင်လာပြီး အလင်းဝင်ရောက်ခဲ့တာဖြစ်ပါတယ်။အဆိုပါ စစ်ကောင်စီ တပ်သား ၂ ဦးကို လုံခြုံတဲ့ နေရာသို့ ပို့ဆောင်ခဲ့ပြီး ကြိုးကြာနီတပ်ရင်း တပ်ရင်း ၇ မှ တာဝန်ယူစောင့်ရှောက်ထားကြောင်း၊ ဆက်လက်၍ ဂုဏ်ပြုဆုငွေ ပေးအပ်ခြင်းနှင့် ၄င်းတို့ တွေ့ကြုံခဲ့ရသော အဖြစ်အပျက်များ၊ ခံစားချက်များကို မေးမြန်းပြီး ထုတ်ပြန်ကြေငြာပေးမယ်လို့ ဆိုပါတယ်။
More Stories
စစ်တပ်က ဖမ်းဆီးခြင်းကို ခံထားရတဲ့ပြည်သူ တစ်ဦး လက်နက်တွေပါယူဆောင်ပြီး တော်လှန်ရေးတပ်တွေထံ အပ်နှံလို့ သိန်းတစ်ရာချီးမြှင့်၊ပခုက္ကူ တပ်မ ၁၀၁က တပ်သားသစ်စုဆောင်းခံရသူတစ်ဦး လက်နက်တွေနဲ့အလင်းဝင်လာလို့ သိန်း ၁၀၀နဲ့ ဖုန်း ၁လုံးချီးမြှင့်
ငဖဲရှိ ဂုတ်စည်းရိုးစခန်းကို AA သိမ်းပိုက်၊ မအလ ဇာတိ မင်းဘူးမြို့ထိ တိုက်ပွဲနီးကပ်လာ
တိုက်ပွဲသတင်းများ