ကရင်နီ စစ်ရှောင်တွေကိုယ်တိုင် သဘာဝပတ်ဝန်းကျင်ထိန်းသိမ်းရေး အပင်ပေါင်းထောင်ချီစိုက်ပျိုးနေ

ရှမ်းပြည်နယ်တောင်ပိုင်းအစပ်နဲ့ ကရင်နီပြည်နယ် ဒီမောဆိုအနောက်ခြမ်းက စစ်ရှောင်ပြည်သူတွေကိုယ်တိုင် သဘာဝပတ်ဝန်းကျင်ထိန်းသိမ်းရေးအတွက် အပင်ပေါင်း ထောင်ချီစိုက်ပျိူးနေတယ်လို့ သိရပါတယ်။အဲ့ဒီဒေသကို ဒေသခံကယန်းလူမျိုးတွေနဲ့ ပြည်တွင်းပြည်ပ တက်ကြွလူငယ်တွေ ပါဝင်ဖွဲ့စည်းထားတဲ့ Green Land (စိမ်းလန်းမြေ တောင်တန်းဒေသသဘာဝပတ်ဝန်းကျင်ထိန်းသိမ်းရေး)အဖွဲ့က အကျိုးအမြတ်မယူဘဲ ဦးဆောင်စိုက်ပျိုးနေတာလို့ သိရပါတယ်။”အခုနှစ် မှာ အပင်ပေါင်း ၅၀၀၀ကျော်စိုက်ဖို့ထိရှိတယ် ပြုန်းတီးသွားတဲ့သစ်တောတွေနေရာမှာ အစားထိုးစိုက်ဖို့ လိုကိုလိုလာပီဖြစ်တယ်၊ ဒီနေ့ဖြစ်ပေါ်နေတဲ့ ရေဘေး၊ အပူဒဏ်တွေကြောင့် လူတွေသေရတာဟာ သဘာဝပတ်ဝန်းကျင်မထိန်းသိမ်းကြလို့ ဖြစ်တယ်”လို့ စိမ်းလန်းမြေတောင်တန်းဒေသသဘာဝပတ်ဝန်းကျင်ထိန်းသိမ်းရေးတာဝန်ရှိသူတစ်ဦးက VOR ကို ပြောပါတယ်။

ရှမ်းတောင် နဲ့​ ဒီမောဆိုအနောက်ခြမ်း စစ်ရှောင်ဒေသတွေမှာ သစ်အလွန်အကျွံထုတ်လုပ်မှုတွေ၊ ရွှေ့ပြောင်းတောင်ယာစနစ်အသုံးပြုမှုအပြင် အကြောင်းအမျိုးမျိုးကြောင့် သစ်တောတွေ အလွန်အကျွံ ပြုန်းတီးလာတာကြောင့်​ ဒေသ​ခံတွေနဲ့ပူးပေါင်းပြီးအခုလို လုပ်ဆောင်ရတာလို့ ၎င်းက ဆက်ပြောပါတယ်။ပြီးခဲ့​တဲ့​ ၂၀၂၃နှစ်​ ဇွန်လ​မှာ​ ရှမ်းပြည်နယ် တောင်ပိုင်းနဲ့ ဒီးမော့ဆိုအနောက်ခြမ်းဒေသ တစ်နေရာမှာ နှစ်ရှည်ပင်ပေါင်း တစ်သောင်း​ကျော်ထိ​ စိုက်ပျိုး​ပျိုးထောင်​ခြင်းအပြင် ပြီးခဲ့တဲ့​ ၂၀၂၄​ ခုနှစ်က​လည်း​ ပျိုးပင်​ အပင်ပေါင်း​ ၂၀၀၀ဝန်းကျင်​စိုက်ပျိုး​နိုင်ခဲ့ပြီး​ စိုက်ပျိုး​ခဲ့တဲ့ ပျိုးပင်များမှာ ၉၀ရာခိုင်နှုန်းထိ​ အောင်မြင်​နေတယ်လို့​ သိရပါတယ်။အခုနှစ် ၂၀၂၅မှာ သစ်မာပင်၊ ဝါးပင်၊ စား​ပင်​ စတဲ့ အပင်ပေါင်း​ ၅၀၀၀​ စိုက်ပျိုး​သွားမှာဖြစ်ပြီး အလှူရှင်တွေလိုအပ်နေတဲ့အတွက် ပါဝင်ကူညီပေးဖို့ ဖိတ်ခေါ်ထားပါတယ်။