TNLA ထိန်းချုပ်နယ်မြေမှာ မြေယာ ကိစ္စ နှီးနှောဖလှယ်ပွဲပြုလုပ်

တအာင်းပြည်တစ်နေရာမှာ PSLF/TNLAရဲ့ မြေယာနှင့် သစ်တောထိန်းသိမ်းကာကွယ်ရေးဌာနက မူဝါဒနဲ့ ရှေ့လုပ်ငန်းစဉ်များကို အကောင်အထည်ဖော်လုပ်ဆောင်နိုင်ရေး နှီးနှောဖလှယ်ပွဲကို ၂ရက်ကြာ ပြုလုပ်ခဲ့တယ်လို့ သိရပါတယ်။နှီးနှောဖလှယ်ပွဲကို PSLF/TNLA အထွေထွေအတွင်းရေးမှူး ဗိုလ်ချုပ် တားဘုန်းကျော်၊ တွဲဖက်အထွေထွေအတွင်းရေးမှူး(၁) ဗိုလ်မှူးချုပ် တားအိုမ်တမာဝ်း၊ အပါအဝင် ထိပ်ပိုင်းခေါင်းဆောင်တွေနဲ့ အရပ်ဖက်အဖွဲ့အစည်းများ၊ မြေစာရင်းဌာနမှ CDM ဝန်ထမ်းများ၊ မြေယာနှင့် သစ်တောဌာနရှိ ဝန်ထမ်းများ စုစုပေါင်း လူဦးရေ (၅၀)ကျော် တက်ရောက်ခဲ့တယ်လို့ TNLA က ထုတ်ပြန်ထားပါတယ်။TNLA ဟာ ရှမ်းပြည်နယ်မြောက်ပိုင်းရှိ ကွတ်ခိုင်၊ နမ္မတူ၊ နမ့်ခမ်း၊ နမ့်ဆန်၊ မန်တုံ၊ မိုင်းငေါ့၊ မိုင်းလုံ၊ မိုးမိတ်၊ ကျောက်မဲ၊ နောင်ချို၊ သီပေါ စတဲ့ မြို့ပေါင်း ၁၂မြို့ကို ၁၀၂၇စစ်ဆင်ရေး တစ်ခုလုံးအတွင်း သိမ်းပိုက်ထိန်းချုပ်ထားပါတယ်။