နိုဝင်ဘာ ၂၆ ရက်နေ့၊ မနက် ၆ နာရီခန့်မှာ လွိုင်ကော်မြို့နယ် ၊ လင်းဖုံလေရွာအနီးကရင်နီတပ်ပေါင်းစုတော်လှန်ရေးအဖွဲ့များနဲ့ စစ်ကောင်စီတပ်မ ၆၆ လက်အောက်ခံ ခလရ ၈၀ တို့ တိုက်ပွဲ ဖြစ်ခဲ့ကြပါတယ်။ တိုက်ပွဲတွင် မိုးဗြဲမြို့ကုန်းသာ ဘက်မှ လင်ဖုံလေးရွာသို့ စစ်ကြောင်း ထိုးဝင်လာသော ခလရ ၈၀ တပ်ရင်း ကို ကရင်နီတပ်ပေါင်းစုက ပိတ်ဆို့ တိုက်ခိုက်ကြတာပါ။
“တပ်မ(၆၆)က ရင်းတစ်ခုလုံး ရှစ်ယောက်ပဲ ထွက် ပြေးနိုင်တယ်။ ၁၉ ယောက်အရှင်ဖမ်းမိတယ်။ကျန်တဲ့သူက အကုန်သေတယ်”လို့ သတင်းရင်းမြစ်က ဆိုပါတယ်။ KNDF ၏ ဒု စစ်ဦးစီးချုပ်မာဝီကလည်း ၎င်း၏ လူမှုကွန်ယက်တွင် တပ်မ ၆၆ လေက်အောက်ခံ ခလရ ၈၀ တတပ်လုံးနီးပါး စုပေါင်းမုန့်ဟင်းခါးချက်ကြတာပေါ့လို့ ရေးသားမျှဝေထားပါတယ်။ “မိုးဗြဲမြို့၊ ကုန်းသာရွာတိုက်ပွဲမှာ ၅ ယောက်အရှင်မိပြီး လက်နက် ၂၂ လက်ရထားကြောင်း၊ နိုဝင်ဘာလ ၂၅ ရက်နှင့် ၂၆ ရက် နှစ်ရက်ဆက်တိုက်ပွဲဖြစ်ကြောင်း၊ ကျနော်တို့ဘက်က ရဲဘော်တွေထိခိုက်မှုမရှိကြောင်း ” KA စစ်ရေးချုပ် ဗိုလ်မှူးကြီး ဖုန်းနိုင်က သတင်းထုတ်ပြန်ထားပါတယ်။ ဖမ်းခံရသူများမှာ စစ်မှုထမ်းနဲ့ပါလာသူ ၆ ဦးဖြစ်တယ်လို့လည်း သိရပါတယ်။ ကရင်နီပြည်ကို စစ်ဆင်ရေးရောက်ရှိနေတဲ့ ခလရ ၈၀ ဟာ ပဲခူးတိုင်း၊ ပြည်ခရိုင် ၊ အင်းမမြို့နယ်အခြေစိုက် တပ်ရင်းဖြစ်ပြီး ကရင်နီပြည်နယ်အတွင်း မကြာခဏ ချေမှုန်းခံနေရတဲ့ တပ်ရင်းဖြစ်တယ်လို့လည်း သတင်းများမှာ ဖော်ပြထားကြပါသည်။
More Stories
စစ်တပ်က ဖမ်းဆီးခြင်းကို ခံထားရတဲ့ပြည်သူ တစ်ဦး လက်နက်တွေပါယူဆောင်ပြီး တော်လှန်ရေးတပ်တွေထံ အပ်နှံလို့ သိန်းတစ်ရာချီးမြှင့်၊ပခုက္ကူ တပ်မ ၁၀၁က တပ်သားသစ်စုဆောင်းခံရသူတစ်ဦး လက်နက်တွေနဲ့အလင်းဝင်လာလို့ သိန်း ၁၀၀နဲ့ ဖုန်း ၁လုံးချီးမြှင့်
မဲပလီစခန်းက ဒုတပ်ရင်းမှူး ဗိုလ်မှူးခန့်နိုင်၊ ဗိုလ်ကြီးဇော်မင်းအပါ ၄၀ကျော်သေဆုံးပြီး စစ်ဦးစီး(တတိယတန်း)G3 ဗိုလ်ကြီးသော်တာအပါအဝင် စစ်သုံ့ပန်း(၂၇)ဦးဖမ်းမိ
ငဖဲရှိ ဂုတ်စည်းရိုးစခန်းကို AA သိမ်းပိုက်၊ မအလ ဇာတိ မင်းဘူးမြို့ထိ တိုက်ပွဲနီးကပ်လာ