ကရင်နီပြည်နယ် ဖယ်ခုံမြို့မှာ ခမရ ၃၃၆က တိုက်ပွဲဖြစ်ပွားခြင်းမရှိဘဲ လက်နက်ကြီးပစ်ခတ်လို့ ကလေးငယ် ၂ဦးအပါအဝင် ၇ဦးသေဆုံးခဲ့ရတယ်လို့ သိရပါတယ်။ဖယ်ခုံမြို့နယ်ပြည်သူ့ကာကွယ်ရေး တပ်ရင်း-၂၊ တပ်ရင်းအမှတ် (၁၀၀၆)က ဒီကနေ့ သတင်းထုတ်ပြန်လာတာဖြစ်ပါတယ်။
ဖယ်ခုံမြို့အခြေစိုက် ခမရ(၃၃၆)စစ်ကောင်စီတပ်ကနေ တိုက်ပွဲများဖြစ်ပွားခြင်းမရှိဘဲ အရပ်သားပြည်သူများ နေထိုင်ရာ ကျေးရွာတွေကို စစ်ရေးပစ်မှတ်မရှိ (၁၂၀)မမ လက်နက်ကြီး များ ပစ်ခတ်ခြင်းကြောင့် ကျေးရွာတွင်းရှိ အမျိုးသား(၂)ဦး၊ အမျိုးသမီး (၃)ဦး၊ ၂နှစ်အရွယ် ကလေးငယ်(၁)ဦး နဲ့ ၁လသားအရွယ် ကလေးငယ်(၁)ဦး သေဆုံးခဲ့ရတယ်လို့ သိရပါတယ်။
ဖယ်ခုံအင်းအရှေ့ခြမ်းရှိ ကျေးရွားများမှာလည်း အခု နိုဝင်ဘာလအတွင်း စစ်ကောင်စီရဲ့ လေကြောင်း၊လက်နက်ကြီး အကြမ်းဖက်တိုက်ခိုက်မှုများကြောင့် အိုးအိမ်များ ပျက်စီးဆုံးရှုံးမှုနဲ့အတူ အသက်သေဆုံးခဲ့ရသော ပြည်သူများ (၁၀)ဦးထက်မနည်းရှိခဲ့တယ်လို့ သိရပါတယ်။
-စစ်ကောင်စီသည် စစ်ပွဲများနှင့်လွတ်ကင်းရာ ဒေသခံပြည်သူနဲ့ စစ်ဘေးရှောင်ပြည်သူများ နေထိုင်ရာ နေရာတွေကို အခုလို ညာတာမှုကင်းမဲ့စွာ လက်နက်ကြီးများ ပစ်ခတ်ကာ ၎င်းတို့ရဲ့ လုပ်နိုင်စွမ်းအပေါ် ပြည်သူအများ စိုးထိတ်ကြောက်ရွံ့စေရမယ်လို့ ခြိမ်းခြောက်မှု ရည်ရွယ်ချက်ဟာ သိသာထင်ရှားတယ်လို့ ဆိုပါတယ်။
ဖယ်ခုံPDF(၁၀၀၆ တပ်ရင်း)အနေနဲ့ အရပ်သားပြည်သူများအပေါ် စစ်ကောင်စီတပ်ရဲ့ အကြမ်းဖက်မှု လုပ်ရပ်တွေကို ပြင်းထန်စွာရှုံ့ချပြီး စစ်ကောင်စီတပ်အနေဖြင့် မိမိ၏ရန်သူ မည်သူမည်ဝါဟူသည်သာ သဲသဲကွဲကွဲ သိမြင်ကာ စစ်ရေးပစ်မှတ်ထားဖို့ အသိပေးထားပါတယ်။
More Stories
စစ်တပ်က ဖမ်းဆီးခြင်းကို ခံထားရတဲ့ပြည်သူ တစ်ဦး လက်နက်တွေပါယူဆောင်ပြီး တော်လှန်ရေးတပ်တွေထံ အပ်နှံလို့ သိန်းတစ်ရာချီးမြှင့်၊ပခုက္ကူ တပ်မ ၁၀၁က တပ်သားသစ်စုဆောင်းခံရသူတစ်ဦး လက်နက်တွေနဲ့အလင်းဝင်လာလို့ သိန်း ၁၀၀နဲ့ ဖုန်း ၁လုံးချီးမြှင့်
ငဖဲရှိ ဂုတ်စည်းရိုးစခန်းကို AA သိမ်းပိုက်၊ မအလ ဇာတိ မင်းဘူးမြို့ထိ တိုက်ပွဲနီးကပ်လာ
တိုက်ပွဲသတင်းများ