မြင်းခြံမြို့နယ် ဆီမီးခုံရွာ လက်ဖက်ရည်ဆိုင်မှာ ပစ်ခတ်မှုဖြစ်ပွားပြီး ရဲ ၂ ဦးသေဆုံးကာ လက်နက်များရရှိ

မန္တလေးတိုင်း ၊ မြင်းခြံမြို့နယ် ဆီးမီးခုံကျေးရွာရှိ လက်ဖက်ရည်ဆိုင်မှာ ပစ်ခတ်မှုဖြစ်ပွားပြီး ရဲ ၂ဦးသေဆုံးပြီး လက်နက်များရရှိခဲ့ကြောင်း MP 9 အဖွဲ့ထံက သိရပါတယ်။နိုဝင်ဘာ ၂၁ရက် နေ့လည် ၁၂နာရီခွဲအချိန် မြင်းခြံမြို့နယ် ဆီမီးခုံရွာရှိ ကောင်းမြတ်အောင် လက်ဖက်ရည်ဆိုင်မှာ ရဲတပ်သား သုံးဦးပစ်ခတ်ခံရပြီး ၂စ်ဦးသေဆုံးကာ ၁ဦးဒဏ်ရာရရှိခဲ့ခြင်းဖြစ်တယ်လို့ သိရပါတယ်။၎င်းတို့ထံက လက်နက်များလည်း သိမ်းဆည်းရမိပြီး ပစ်ခတ်မှုဖြစ်ပွားရာနေရာဟာ ရဲစခန်းနဲ့ မီတာ ၂၀၀ခန့်သာ ကွာဝေးတယ်လို့ သိရပါတယ်။

အဆိုပါ ပစ်ခတ်မှုကို MP9 ၊ မိုင်းဇာနည် ၊ တလုပ်PDF နှင့် ရွှေဂျိုးဖြူတပ်ဖွဲ့တို့ ပူးပေါင်း၍ စစ်ဆင်ရေးဖော်ဆောင်ခဲ့ခြင်းဖြစ်ပြီး ပစ်ခတ်မှုကြာချိန် ၅မိနစ်ခန့်သာ ရှိခဲ့တယ်လို့ ဆိုပါတယ်။တိုက်ခိုက်မှုအတွင်း ဒေသခံပြည်သူထိခိုက်မှု မရှိပေမယ့် ပစ်ခတ်မှုဖြစ်ပွားပြီးနောက် စစ်ကောင်စီတပ်က ဆီမီးခုံကျေးရွာအနောက်ခြမ်းကို လက်နက်ကြီးရမ်းသန်းပစ်ခတ်မှုတွေလုပ်ဆောင်ခဲ့တယ်လို့ သိရပါတယ်။မြင်းခြံမြို့နယ်ရှိ ကျေးရွာတွေအတွင်း စစ်တပ်က စစ်ကြောင်းထိုးဝင်ရောက်မှုကြောင့် ဒေသခံ ထောင်ချီထွက်ပြေးတိမ်းရှောင်နေရတယ်လို့ သိရပါတယ်။