တောင်သာမှာ ကင်းပတ်နေတဲ့ ပျူအုပ်စုကို တိုက်ခိုက်လို့ ပျူခေါင်းဆောင်အပါအဝင် ၃ဦးသေဆုံးပြီး လက်နက်တွေရရှိ

မြင်းခြံခရိုင်၊ တောင်သာမြို့နယ်၊ တလိုင်းရပ်(ရွာသစ်) ပျူစောထီးရွာမှာ ကင်းပတ်နေတဲ့ ပျူအုပ်စုကို တိုက်ခိုက်လို့ ပျူခေါင်းဆောင်ကျော်မင်းထူး ပါအဝင် ၃ဦးသေဆုံးပြီး လက်နက်တွေရရှိခဲ့ကြောင်း ပြည်သူ့လွတ်မြောက်ရေးတပ်မတော် ၊ အမှတ် ၈၁၅ တပ်ဖွဲ့ (အ​နောက်မြောက်စစ်ဒေသ)က ထုတ်ပြန်ပါတယ်။

နိုဝင်ဘာ ၁၉ရက်နေ့မှာ တောင်သာမြို့နယ်၊ တလိုင်းရပ်(ရွာသစ်) ပျူစောထီးရွာမှာ ကင်းပတ်နေတဲ့ ပျူစောထီးတွေကို တိုက်ခိုက် ချေမှုန်းခဲ့ရာ တိုက်ပွဲချိန် ၁၀မိနစ်ခန့်မျှကြာမြင့်ခဲ့ပြီး အဆိုပါ ပျူရွာအတွင်းထိ ကင်းပုန်းဝတ်နေရာယူပြီး တိုက်ခိုက်ခဲ့ရတယ်လို့ သိရပါတယ်။

တိုက်ပွဲဖြစ်စဥ်အပြီးမှာ ပျူခေါင်းဆောင်ကျော်မင်းထူး အလောင်းအပါအဝင် စစ်အုပ်စု အလောင်း၂လောင်း၊ type-81 ၁လက်၊ ကာဘိုင် ၁လက်၊ Dayang အမျိုးအစား ဆိုင်ကယ်၁စီး၊ ၇.၆၂ ကျည်၂၀တောင့်၊ ကာဘိုင်ကျည် ၂၁တောင့်တို့ကို သိမ်းပိုက်ရရှိခဲ့တယ်လို့ သိရပါတယ်။

အမှတ် ၈၁၅တပ်ဖွဲ့ PLA (အနောက်မြောက်စစ်ဒေသ)ဟာ နိုဝင်ဘာ ၁ရက်နေ့ကလည်း အဆိုပါ တလိုင်းရပ် ပျူစောထီးအထိုင်စခန်းကို ဝင်​ရောက်တိုက်ခိုက်ပြီး စခန်းအပါအဝင် လက်နက်ခဲယမ်း အချို့ကိုလည်း သိမ်းပိုက်ရရှိခဲ့ကာ တိုက်ပွဲတွေအတွင်း ရဲဘော်များအထိအခိုက်မရှိ အောင်မြင်စွာဆုတ်ခွာ နိူင်ခဲ့တယ်လို့ သိရပါတယ်။