ပခုက္ကူ အရှေ့ချောက်ကန်ရွာ စစ်ဆေးရေးဂိတ်ကို ၄၀မမဗုံးသီးတွေနဲ့ ပစ်ခတ်တိုက်ခိုက်လို့ စစ်ကောင်စီဘက်က ထိခိုက်သေဆုံးမှုတွေ များနိုင်

မကွေးတိုင်း၊ ပခုက္ကူမြို့နယ်၊ အရှေ့ချောက်ကန်ကျွေးရွာ စစ်ဆေးရေးဂိတ်ကို ၄၀မမဗုံးသီးတွေနဲ့ ပစ်ခတ်တိုက်ခိုက်လို့ စစ်ကောင်စီဘက်က ထိခိုက်သေဆုံးမှုတွေ များနိုင်တယ်လို့ Young Force UG အဖွဲ့က ထုတ်ပြန်ပါတယ်။ပခုက္ကူမြို့နယ်၊ အရှေ့ချောက်ကန်ရွာမှာ တပ်စွဲထားတဲ့ စစ်ကောင်စီ စစ်ဆေးရေးဂိတ်ကို Young Force – UG တော်လှန်ရေးတပ်ဖွဲ့တွေက နိုဝင်ဘာ ၁၅ရက်မှာ ၄၀မမဗုံးသီး လောင်ချာဗုံးသီးများစွာနဲ့ ပစ်ခတ်တိုက်ခိုက်ခဲ့လို့ ၃၀မိနစ်ခန့် တိုက်ပွဲကြာမြင့်ခဲ့တယ်လို့ သိရပါတယ်.

၎င်းတို့နေထိုင်ရာ အဆောက်အဦးကို (၄၀) မမ ဗုံးသီးများထိမှန်ပြီး အဆောက်အဦးထဲတွရှိ စစ်ကောင်စီတပ်သားတွေ သေဆုံးမှုရှိကာ အများအပြားထိခိုက်ဒဏ်ရာရရှိပြီး နောက်ဆက်တွဲသတင်းတွေကို စုံစမ်းလျက်ရှိကြောင်း ထုတ်ပြန်ချက်အရသိရပါတယ်။Pakokku People Defense Force – PPDF မှ တာဝန်ရှိသူတစ်ဦးက တော့ တိုက်ပွဲအတွင်း ဗုံးသီးထိမှန်လို့ စစ်သား ၂ဦးသေဆုံးသွားကြောင်း မီဒီယာကိုဖြေကြားထားပါတယ်။အဆိုပါ တိုက်ခိုက်မှုကို Force UG နဲ့အတူ Pakokku people defense force၊ BURMA REVOLUTION RANGERS တို့က ပူးပေါင်းတိုက်ခိုက်ခဲ့တာဖြစ်တယ်လို့ သိရပါတယ်။