KNU ထိန်းချုပ်နယ်မြေ၊ မွန်ပြည်နယ်၊ ကျိုက်ထိုမြို့ထဲဝင်လာတဲ့ စစ်တပ်စစ်ကြောင်းကို ပူးပေါင်းတိုက်ခိုက်လို့ စစ်သား ၄ဦးသေဆုံးပြီး ၈ဦးဒဏ်ရာရရှိသွားကြောင်း ရန်ကုန်တိုင်း ပြည်သူ့ကာကွယ်ရေးတပ်ဖွဲ့ (၁) ဒရုန်းလက်ရုံးတပ်ဖွဲ့ထံက သိရပါတယ်။မနေ့က နိုဝင်ဘာ ၂ရက်နေ့ နေ့လည် ၁နာရီခွဲခန့်မှာ KNU ထိန်းချုပ် နယ်မြေ ၊ ကျိုက်ထိုမြို့နယ်အတွင်း စစ်ကြောင်းထိုးဝင်ရောက်လာတဲ့ အင်အား (၂၀၀) ခန့်ပါ စစ်ကောင်စီစစ်ကြောင်းကို KNLA ၊ ရန်ကုန်တိုင်း ပြည်သူ့ကာကွယ်ရေးတပ်ဖွဲ့(၁) ၊ ကျေးနယ် ကာကွယ်ရေးတပ်ဖွဲ့ တော်လှန်ရေးအင်အားစုများတို့က တိုက်ခိုက်ခဲ့ကြတာပါ။ထိတွေ့တိုက်ပွဲ (၁) နာရီကျော်ခန့် (၂) ကြိမ် ဖြစ်ပွားခဲ့ပြီး တိုက်ပွဲအတွင်း လက်နက်ကြီး ၊ လက်နက်ငယ်များ အပြန််လှန်ပစ်ခတ်သလို ရန်ကုန်တိုင်း ပြည်သူ့ကာကွယ်ရေးတပ်ဖွဲ့(၁) ဒရုန်းလက်ရုံးတပ်ဖွဲ့ကလဲ ဒရုန်းဗုံးသီးတွေနဲ့ စစ်ကောင်စီစစ်ကြောင်းကို ကြဲချတိုက်ခိုက်ခဲ့တယ်လို့ ဆိုပါတယ်။
စစ်ကောင်စီဘက်က ၄ဦးသေဆုံးပြီး ၈ဦး ဒဏ်ရာပြင်းထန်စွာရရှိခဲ့ပြီးနောက် ကျဆုံး ၊ ဒဏ်ရာရ သူတွေကို ဖောကားနဲ့ စောင့်ကြိုခေါ်ဆောင်ကာ ဆုတ်ခွာသွားခဲ့ပါတယ်။တော်လှန်ရေးရဲဘော်တွေဘက်က အထိအခိုက်အကျအဆုံးမရှိပေမယ့် တိုက်ပွဲအတွင်း စစ်ကောင်စီဘက်က ၁၂၀ မမ နဲ့ ရမ်းသမ်းပစ်ခတ်မှုကြောင့် ကျေးရွာအတွင်းရှိ ပြည်သူနေအိမ်တစ်လုံး ၊ ဘုန်းကြီးကျောင်း ဇရပ်တစ်ခု ထိခိုက်ပျက်စီးခဲ့ပါတယ်။လက်ရှိအချိန်ထိ နယ်မြေအတွင်း နှစ်ဖက်စစ်ရေးတင်းမာလျက်ရှိနေတယ်လို့ န်ကုန်တိုင်း ပြည်သူ့ကာကွယ်ရေးတပ်ဖွဲ့ ၁ က ထုတ်ပြန်ပြောဆိုထားပါတယ်။
More Stories
မဲပလီစခန်းက ဒုတပ်ရင်းမှူး ဗိုလ်မှူးခန့်နိုင်၊ ဗိုလ်ကြီးဇော်မင်းအပါ ၄၀ကျော်သေဆုံးပြီး စစ်ဦးစီး(တတိယတန်း)G3 ဗိုလ်ကြီးသော်တာအပါအဝင် စစ်သုံ့ပန်း(၂၇)ဦးဖမ်းမိ
ငဖဲရှိ ဂုတ်စည်းရိုးစခန်းကို AA သိမ်းပိုက်၊ မအလ ဇာတိ မင်းဘူးမြို့ထိ တိုက်ပွဲနီးကပ်လာ
တိုက်ပွဲသတင်းများ