ထားဝယ်မြို့နယ် မောင်မယ်ရှောင်ဟားလီးကွေ့စခန်းကို တုက်ခိုက်၊ စစ်သား ၁၅ဦးသေဆုံးပြီး လက်နက်ခဲယမ်းများရရှိ

တနင်သာရီတိုင်း၊ ထားဝယ်မြို့နယ် မောင်မယ်ရှောင်ဟားလီးကွေ့မှာ အခိုင်အမာစခန်းချ တပ်စွဲနေတဲ့ စစ်ကောင်စီတပ်ဖွဲ့တွေကို တော်လှန်ရေးပူးပေါင်းတပ်တွေက ဝင်ရောက်တိုက်ခိုက်လို့ စစ်သား ၁၅ဦးသေဆုံးပြီး လက်နက်ခဲယမ်းများရရှိခဲ့ကြောင်း ‌ရေဖြူပြည်သူ့ကာကွယ်ရေးတပ်ဖွဲ့ (YPPDF) က သတင်းထုတ်ပြန်ပါတယ်။

အောက်တိုဘာ ၂၉ရက် မနက် ၆နာရီခန့်မှာ ထားဝယ်မြို့နယ် မောင်မယ်ရှောင်ဟားလီးကွေ့အထိုင်စခန်းကို ပူးပေါင်းအဖွဲ့က ဝင်ရောက်စီးနင်းတိုက်ခိုက်ခဲ့ခြင်းဖြစ်ပြီး အပြန်အလှန်ပစ်ခတ်မှု ၄နာရီခန့်ကြာမြင့်ခဲ့တယ်လို့ သိရပါတယ်။စစ်ကောင်စီတပ်သား ၁၅ဦးသေဆုံးပြီး အများအပြားထိခိုက်ဒဏ်ရာရရှိကာ MA 3 သေနတ် ၂လက်၊ 5.56 ကျည် ၄၀၀တောင့်၊ ကျည်ဘောက် ၇ခု၊ ဦးထုပ် ၂လုံး၊ လက်ပစ်ဗုံး ၁လုံး၊ လက်ကိုင်‌ဖုန်း ၃လုံး၊ အီကွေ့မန့် ခါးပတ် ၁ခု၊ စစ်သုံးပုခပ် ၁ခု၊ ကင်မရာ ၁လုံး၊ ၁၄မိုင်း ၁လုံး၊ ဟန်းကော ၁လုံးတို့ကို သိမ်းဆည်းရမိခဲ့တယ်လို့ သိရပါတယ်။အဆိုပါတိုက်ခိုက်မှုကို ရေဖြူပြည်သူ့ကာကွယ်ရေးတပ်ဖွဲ့ (YPPDF) နဲ့ ထားတယ်အမျိုးသားလွတ်မြောက်ရေးတပ်တော် DNLA တို့က ပူးပေါင်းတိုက်ခိုက်ခဲ့တာဖြစ်ပါတယ်။တနိုင်ငံလုံးအတိုင်းအတာနဲ့ စစ်ဆင်ရေးတွေ အရှိန်အဟုန်တိုးမြင့်ဆောင်ရွက်နေချိန်ဖြစ်တာကြောင့် ပြည်သူများ စစ်ရေးအထူးသတိပြု သွားလာနေထိုင်ကြဖို့ တိုက်တွန်းထားပြီး ပြည်သူ့ဘက်ရပ်တည်လိုတဲ့ စစ်ကောင်စီတပ်သား၊ ရဲများကိုလည်း ပြည်သူ့ရင်ခွင်ခိုလှုံပြီး အမြန်ဆုံးပူးပေါင်းဖို့ တိုက်တွန်းဖိတ်ခေါ်ထားပါတယ်။