တောင်သာမြို့နယ် တလိုင်းရပ် ပျူစေထီးစခန်းကို သိမ်းပိုက်၊ လက်နက်ခဲယမ်းအချို့ သိမ်းဆည်းရရှိ

မြင်းခြံခရိုင်၊ တောင်သာမြို့နယ် တလိုင်းရပ်(ရွာသစ်) ပျူစောထီးအထိုင်စခန်းကို တော်လှန်ရေးပူးပေါင်းတပ်တွေက သိမ်းပိုက်လိုက်ပြီး လက်နက်ခဲယမ်းအချို့ သိမ်းဆည်းရမိကြောင်း ပြည်သူ့လွတ်မြောက်ရေးတပ်မတော် အမှတ်-၈၁၅ တပ်ဖွဲ့ (အနောက်မြောက်စစ်ဒေသ)က သတင်းထုတ်ပြန်ပါတယ်။

နိုဝင်ဘာ ၁ရက်နေ့ မနက် ၃နာရီခွဲမှာ ပျူစောထီတွေနဲ့ စတင်တိုက်ပွဲဖြစ်ပွားခဲ့ပြီး ပြီး မနက် ၄နာရီလောက်မှာ င် ပျူစောထီးများ စခန်းစွန့်ခွာထွက်ပြေးသွားတာကြောင့် အဆိုပါစခန်းကို အပြီးသတ်သိမ်းပိုက်ခဲ့ခြင်းဖြစ်တယ်လို့ သိရပါတယ်။ပျူစောထီး ခေါင်းဆောင် ကျော်မင်းထူး နေအိမ်မှာ စခန်းချနေတဲ့စစ်အုပ်စုကို တိုက်ခိုက်ခဲ့တာဖြစ်ပြီး စစ်ကောင်စီဘက်က ထိခိုက်သေဆုံးမှုကိုတော့ မသိရှိရသေးဘူးလို့ အမှတ်-၈၁၅ တပ်ဖွဲ့ (အနောက်မြောက်စစ်ဒေသ) မှ တာဝန်ရှိသူ တစ်ဦးက ပြောပါတယ်။စခန်းသိမ်းတိုက်ပွဲအတွင်း ကာဘိုင် ၁လက်၊ ရှော့ဂန်း ၁လက်၊ 7.62ကျည် ၁၉၅တောင့်၊ ကာဘိုင်ကျည် ၆၅တောင့်၊ ရှော့ဂန်းကျည် ၃၇တောင့်၊ MG1 လက်ပစ်ဗုံး တစ်လုံး၊ ကျည်ကာ Equimentတစ်ထည် ၊ စစ်ယူနီဖောင်းအများအပြား နဲ့ပိုက်ဆံ တစ်သိန်းငါးထောင်ကျပ် သိမ်းဆည်းရမိခဲ့တယ်လို့ ထုတ်ပြန်ချက်အရသိရပါတယ်။