ရန်ကုန်-ပြည် ကားလမ်းမပေါ်ရှိ စစ်ကောင်စီဂိတ်စခန်းတိုက်ခိုက်ခံရပြီး စစ်သား ၂ဦးသေဆုံး

ဇန်နဝါရီ၂၆၊ VOR

ပဲခူးတိုင်းအနောက်ပိုင်း၊ သာယာဝတီခရိုင်၊ ကြို့ပင်ကောက်မြို့နယ်၊ ရန်ကုန်-ပြည် ကားလမ်းပေါ်ရှိ စစ်တပ် စစ်ဆေးရေးဂိတ်ကို PDF တို့က ဝင်ရောက် တိုက်ခိုက်ခဲ့ရာ စစ်သား ၂ဦးသေဆုံးကြောင်း ပြည်သူ့ကာကွယ်ရေးတပ်မတော် သာယာဝတီခရိုင် အမှတ် (၁) တပ်ရင်းမှ သတင်းထုတ်ပြန်သည်။

အဆိုပါ စစ်ဆေးရေးဂိတ်ကို ဇန်နဝါရီလ ၂၅ရက်နေ့၊ နေ့လည် ၁နာရီ၊ ၄၀ မိနစ်ဝန်းကျင်တွင် ဝင်ရောက် ပစ်ခတ်ခဲ့ခြင်းဖြစ်ပြီး စစ်ဆေးရေးဂိတ်ရှိ စစ်သား ၂ဦးသေဆုံးကာ ၃ ဦးအပြင်းအထန်ဒဏ်ရာရရှိခဲ့ကြောင်း သိရသည်။

တိုက်ခိုက်ခဲ့မှုအပြီး ၎င်းစစ်ဆေးရေးဂိတ်တွင် လုံခြုံရေးတင်းကြပ်လျက်ရှိနေပြီး ပြည်သူများကို ဖမ်းဆီးစစ်ဆေးခြင်း မရှိသေးကြောင်း သိရသည်။

ယင်းတိုက်ခိုက်မှုကို သာယာဝတီခရိုင် တပ်ရင်း ၃၈၀၁ တပ်ခွဲ ၅၊ ကြို့ပင်ကောက် Hero ပြောက်ကျားတပ်ဖွဲ့က ပြုလုပ်ခဲ့ကြောင်း သိရသည်။