တနင်္သာရီမြို့နယ်၊ လေသာတောင် ဆက်သွယ်ရေးစခန်းကြီးကို တိုက်ခိုက်ရာ စစ်အုပ်စုဘက်မှ ၅ ဦးသေဆုံး

ဇန်နဝါရီ ၂၆၊ VOR

တနင်္သာရီတိုင်း၊ တနင်္သာရီမြို့နယ်၊ ဘန်းလမွတ်ကျေးရွာအုပ်စု၊ ထိုးဒါကြီးရှိ (ဒေသအခေါ်) လေသာတောင် ဆက်သွယ်ရေးစခန်းကြီးက စစ်ကောင်စီတပ်ကို တိုက်ခိုက်ရာ ၅ ဦးသေဆုံးပြီး ၂ ဦး ပြင်းထန်ဒဏ်ရာရသွား ကြောင်း မြိတ်ခရိုင်၊ ပြည်သူ့ကာကွယ်ရေး ပူးပေါင်းစစ်ကြောင်း (၂) က သတင်းထုတ်ပြန်သည်။

အဆိုပါ တိုက်ခိုက်မှုကို မြိတ်ခရိုင် ပြည်သူ့ကာကွယ်ရေးပူးပေါင်းစစ်ကြောင်း (၂) ဦးဆောင်ကွပ်ကဲမှုနဲ့ တောဗုံးကြီး ပြည်သူ့ကာကွယ်ရေးအဖွဲ့ ၊ တနင်္သာရီရိုးမပြည်သူ့ကာကွယ်ရေး ပူးပေါင်းအဖွဲ့တို့ကတိုက်ခိုက်ခြင်းဖြစ်သည်ဟု သိရသည်။

တနင်္သာရီမြို့နယ် ၊ ဘန်းလမွတ်ကျေးရွာအုပ်စု၊ ထိုးဒါကြီးရှိ(ဒေသအခေါ်) လေသာတောင် ဆက်သွယ်ရေးစခန်းကြီး၌ တပ်စွဲထားသော စစ်ကောင်စီတပ်သားများကို ကင်းပုန်းဝပ်ပြီး ဇန်နဝါရီ(၂၅)ရက်၊ ညနေ ၃ နာရီ ၅ မိနစ်အချိန်တွင် ပြောက်ကျားစနစ်နဲ့ တိုက်ခိုက်ခဲ့ရာ စစ်ကောင်စီတပ်သား (၅)ဦးသေပြီး (၂)ဦး ပြင်းထန်ဒဏ်ရာရသွားသည်ဟု သိရသည်။

မြိတ်ခရိုင်ပြည်သူ့ကာကွယ်ရေးပူးပေါင်းစစ်ကြောင်း (၂)မှာ မြိတ်ခရိုင်တပ်ရင်း(၂)တပ်ခွဲ(၂)၊ ကျွန်းစုမြို့နယ်ပကဖ၊ ပုလောမြို့နယ်ပကဖ၊ တနင်္သာရီပကဖ၊ Dragon squad ဒရုန်းလက်ရုံးတပ်ဖွဲ့တို့ ပါဝင်ဖွဲ့စည်းထားတဲ့ စစ်ကြောင်းဖြစ်သည်ဟု ဆိုသည်။