ရဟတ်ယာဥ်ဖြင့် ကျဲချခဲ့သည့် ထောက်ပို့ပစ္စည်းများ တော်လှန်ရေးပူးပေါင်းအဖွဲ့က ရရှိ

ဇန်နဝါရီ ၂၅၊ VOR

မွန်ပြည်နယ်၊ ဘီးလင်းမြို့နယ်တွင် အထိုင်ချတပ်စွဲထားသည့် စစ်ကောင်စီ လက်အောက်ခံ ဝင်းတာပန်းစခန်းအတွက် ရဟတ်ယာဥ်ဖြင့် ကျဲချခဲ့သည့် ထောက်ပို့ပစ္စည်းများကို တော်လှန်ရေးပူးပေါင်းအဖွဲ့က ရရှိခဲ့ကြောင်း ‌‌ကေအဲန်ယူ- တပ်မဟာ (၁) ၊သထုံခရိုင်၊ PDF အမှတ် (၄) တပ်ရင်းက ယနေ့ သတင်းထုတ်ပြန်သည်။

ဇန်နဝါရီ ၁၄ ရက် မနက် ၈ နာရီအချိန်တွင် ၄၀ မမ ကျည်ဆံ၊ လက်ပစ်ဗုံး၊ ဆေးဝါးပစ္စည်းများပါဝင်သည့် ထောက်ပို့ပစ္စည်းအထုပ် ၃ ထုပ်ကို KNU/ KNDO/ PDF ပူးပေါင်းအဖွဲ့တို့ သိမ်းဆည်းရမိခဲ့ကြောင်း သိရသည်။

အဆိုပါ ဝင်းတာပန်းစခန်းကို တော်လှန်ရေးပူးပေါင်းအဖွဲ့က ယနေ့အထိ ဝိုင်းဝန်းပိတ်ဆို့တိုက်ခိုက်နေပြီး တိုက်ခိုက်မှုအတွင်း အကြမ်းဖက်စစ်သား ၁ ဦး KNDO တပ်ရင်း (၂)ဆီ အလင်းဝင် ရောက်လာခဲ့တာကြောင့် ဆုငွေချီးမြှင့်ပေးရန် လုပ်ဆောင်နေကြောင်း သိရသည်။

ဝင်းတာပန်းစခန်း တိုက်ခိုက်မှုတွင် စစ်သားများ သေဆုံးမှုရှိသလို ဒဏ်ရာရရှိသူများလည်းရှိနေပြီး အသေးစိတ်ကို ဆက်လက်ထုတ်ပြန်မည်ဟု ဆိုသည်။