လွှဲပြောင်းသူမပါဘဲ ဟိုပန်၊ ပန်လုံဒေသကို “ဝ”အစိုးရက လွှဲပြောင်းလက်ခံပွဲပြုလုပ်

ဇန်နဝါရီ ၁၄၊ VOR

၂၀၂၄ခုနှစ် ဇန်နဝါရီလ ၄ရက်နေ့တွင် စစ်ကောင်စီမှ ဟိုပန် ၊ပန်လုံဒေသအား “ဝ”ပြည်နယ်အစိုးရထံသို့ လွှဲပြောင်းပေးအပ်ရန် သဘောတူခဲ့သည်ဟု UWST က ထုတ်ပြန်သည်။

“ဝ”ပြည်နယ် ပြည်သူအစိုးရမှ နှစ်ပေါင်းများစွာ ပြည်ထောင်စုအစိုးရထံသို့ တင်ပြတောင်းဆိုမှုများ ပြုလုပ်ခဲ့ပြီးနောက် လွှဲပြောင်းရရှိခဲ့သည်ဟု ထုတ်ပြန်ချက်တွင် ဖော်ပြထားသည်။

ဇန်နဝါရီလ ၁၀ရက် -၁၁ရက်နေ့တွင် မိုင်းမောခရိုင်အတွင်းရေးမှူး၊ ဗဟိုကော်မတီ အရံကော်မတီဝင်ဦးရှောက်ဆိုင်ပေါင်းနှင့် “ဝ”ပြည်နယ် နိုင်ငံရေးအတိုင်ပင်ခံဌာန ဥက္ကဌ ဦးကျောက်အိုက်တောင်း ဦးဆောင်သည့်ကိုယ်စားလှယ်အဖွဲ့သည် “ဝ”ပြည်နယ် ပြည်သူ့အစိုးရ ကိုယ်စား ဟိုပန်၊ ပန်လုံဒေသသို့ သွားရောက်ပြီး လွှဲပြောင်းလက်ခံခြင်းလုပ်ငန်းများကိုအောင်မြင်စွာပြုလုပ်နိုင်ခဲ့သည်ဟု သိရသည်။

အဆိုပါလွှဲပြောင်းလက်ခံပွဲကို လွှဲပြောင်းပေးအပ်သည့် စစ်ကောင်စီမှ တက်ရောက်သူမတွေ့ရှိပေ။