ခင်ဦးမြို့နယ်တွင် နယ်လှည့် မီးရှို့ နေသည့် စစ်တပ်နှင့် ပျူစောထီး စစ်ကြောင်းကို ဖြတ်တောက် တိုက်ခိုက်ရာ ၅ဦးသေဆုံး

ဇန်နဝါရီ ၁၁၊ VOR

စစ်ကိုင်းတိုင်း၊ ရွှေဘိုခရိုင်၊ ခင်ဦးမြို့ တွင် အခြေပြုပြီး နေအိမ်များကို မီးရှို့ဖျက်ဆီး အကြမ်းဖက်နေသည့် PDF တို့က တိုက်ခိုက်ခဲ့ရာ စစ်ကောင်စီတပ်ဘက်မှ ၅ ဦး သေဆုံး၊ (၁၂) ဦး ထိခိုက်ဒဏ်ရာ ပြင်းထန် ရရှိ ခဲ့ကြောင်း NUG ကာကွယ်ရေးက သတင်းထုတ်ပြန်သည်။

ခမရ (၁၁/၇၀၈)နှင့် ပျုစောထီး စုစုပေါင်း အင်အား (၉၃) ဦးပါ စစ်ကြောင်းသည် ခင်ဦးမြို့နယ်၊ အင်တိုင်းကြီးကျေးရွာ အရှေ့ဘက်တွင် ထောင်ထားသော မိုင်းထိပြီး စစ်အုပ်စု တပ်ဖွဲ့ဝင် (၂) ဦး ထိခိုက် ဒဏ်ရာရရှိခဲ့ကြောင်း သိရသည်။

အဆိုပါ စစ်ကြောင်းကို ခင်ဦးမြို့နယ်၊အင်တိုင်းကြီးကျေးရွာ အနောက်ဘက်တွင် နေ့လည် (၁:၀၇) နာရီမှ (၂:၂၀) နာရီခန့်ထိ ပြည်သူ့ကာကွယ်ရေးတပ်မတော်(PDF)၊ ရွှေဘိုခရိုင် တပ်ရင်း (၃) က ဖြတ်တောက် တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၅ ဦး သေဆုံး၊ (၁၀) ဦး ထိခိုက်ဒဏ်ရာ ပြင်းထန် ရရှိ ခဲ့ကြောင်း သိရသည်။