ဇူလိုင် ၁၃၊ VOR
တော်လှန်ရေးတပ်တွေ ဝင်ရောက်တိုက်ခိုက်နေတဲ့ မိုင်းရယ်မြို့ကို ရှမ်းပြည်တပ်မတော် SSPP/SSA က ဒီကနေ့ ဝင်ရောက်လာတယ်လို့ ဒေသတွင်း သတင်းအရင်းမြစ်တွေထံက သိရပါတယ်။
မိုင်းရယ်က ပြည်သူလူထုတွေ စစ်ဘေးဒဏ်ကာကွယ်ပေးဖို့နဲ့ ကိုးကန့်တပ် MNDAA ကို အကြောင်းကြားပြီးမှ ဝင်ရောက်တာဖြစ်တယ်လို့ SSPP ပြောခွင့်ရ ဗိုလ်မှူးကြီး စိုင်းဆု က မီဒီယာကို ဖြေကြားထားပါတယ်။
ပြီးခဲ့တဲ့ ဇူလိုင်လ ၁၁ရက်နေ့ကလည်း ဝ ပြည်သွေးစည်းညီညွတ်ရေးတပ်မတော်က တန့်ယန်းမြို့ကို အင်အားထောင်ချီနဲ့ဝင်ရောက်နေရာယူခဲ့ပါတယ်။
မိုင်းရယ်နဲ့တန့်ယန်းမြို့တွေကို ကိုးကန့်တပ် MNDAA နဲ့ တအာင်းတပ် TNLA ပူးပေါင်းတပ်တွေ ဝင်ရောက်တိုက်ခိုက်နေတာဖြစ်ပြီး တိုက်ပွဲတွေပြင်းထန်နေတဲ့ အရှေ့မြောက်တိုင်းစစ်ဌာနချုပ်ရှိရာ လားရှိုးမြို့နဲ့ နီးကပ်နေတာကြောင့် အခုလို ရှမ်းလက်နက်ကိုင်တွေဝင်ရောက်နေရာယူလာတာဟာ စောင့်ကြည့်ရမယ့် အနေအထားဖြစ်တယ်လို့ လေ့လာသူတွေက သုံးသပ်ပါတယ်။
More Stories
လားရှိုးမြို့သိမ်းခံလိုက်ရပြီးနောက် စစ်ကောင်စီအကြမ်းဖက်လော်ဘီများက မြန်မာပြည်ဖွားတရုတ်များကို ခြိမ်းခြောက်မှုများ ပြုလုပ်နေ
ရခိုင်ပြည်နယ်တွင်း မြောက်ဦးမြို့ထဲ တိုက်လေယာဉ်ဗုံးကြဲခဲ့လို့ အရပ်သား ၄ ဦးထက်နည်း အသက်ဆုံးရှုံးသွားပါတယ်
နွားထိုးကြီးမှာ တိုက်ပွဲပြင်းထန်