ဖေဖော်ဝါရီ ၂၄၊ VOR
ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော် ULA/AA ၏ အဋ္ဌမအကြိမ်မြောက် သတင်းစာရှင်းလင်းပွဲကို လာမည့် ၂၀၂၄ ခုနှစ်၊ မတ်လ (၄) ရက်၊ တနင်္လာနေ့ နံနက် (၁၀:၀၀) နာရီ အချိန်တွင် ပြုလုပ်သွားမည် ဖြစ်ကြောင်း ULA/AA က သတင်းထုတ်ပြန်သည်။
သတင်းစာ ရှင်းလင်းပွဲကို ယခင်အကြိမ်များအတိုင်း ရက္ခိုင်ဘာသာစကားဖြင့် ပြုလုပ်သွားမည်ဖြစ်ပြီး သတင်းရယူလိုသော သတင်းထောက်များအနေဖြင့် သတင်းစာရှင်းလင်းပွဲကို တက်ရောက်နိုင်ရန်အတွက် ဖော်ပြပါ လင့်ခ် (https://forms.gle/9FkNHENUvZ9R1sMp9 ) မှတစ်ဆင့် ယခင် အကြိမ်များနည်းတူ စာရင်းသွင်းရန်လိုအပ်ကြောင်း သိရသည်။
စာရင်းသွင်းထားသော သတင်းထောက်များကိုသာ တက်ရောက် သတင်းရယူခွင့်ပြုမည် ဖြစ်ပြီး စာရင်းသွင်းထားသော သတင်းထောက်များကို သတင်းစာရှင်းလင်းပွဲ တက်ရောက်နိုင်ရန်အတွက် Email မှတဆင့် လိုအပ်သည့်အချက်အလက်များကို ပေးပို့သွားမည် ဟု သိရသည်။
သတင်းထောက်များအနေဖြင့် မေးမြန်းလိုသော မေးခွန်းများကို ဖေဖော်ဝါရီလ (၂၈) ရက်၊ ဗုဒ္ဓဟူးနေ့၊ နံနက် (၉:၀၀) နာရီအချိန် နောက်ဆုံးထား၍ ဖော်ပြပါ အီးမေးလ်လိပ်စာ [email protected] မှတစ်ဆင့် ပေးပို့ကာ မေးမြန်းထားနိုင်ကြောင်း သိရသည်။
သတ်မှတ်ရက်ကျော်လွန်ပြီးမှ ပေးပို့လာသော မေးခွန်းများကို ယခုသတင်းစာရှင်းလင်းပွဲတွင် လက်ခံဖြေကြားပေးမည်မဟုတ်သည့်အတွက် မေးခွန်းများကို ကြိုတင်ပြီး ပေးပို့ထားကြရန် လိုအပ်သည်ဟု ဆိုသည်။
သတင်းထောက်တစ်ဦးကို မေးခွန်း (၂) ခုခန့်သာ လက်ခံသွားမည်ဖြစ်ပြီး ထပ်ဆင့်မေးခွန်းတစ်ခုကိုလည်း ခွင့်ပြုပေးသွားမည်ဖြစ်ကြောင်း ယခုကဲ့သို့ မေးခွန်းအရေအတွက် ကန့်သတ်ထားရခြင်းမှာလည်း အခြားသတင်းထောက်များကို အချိန်ပေးနိုင်ရန်အတွက်ဖြစ်ကြောင်း သိရသည်။
More Stories
လားရှိုးမြို့သိမ်းခံလိုက်ရပြီးနောက် စစ်ကောင်စီအကြမ်းဖက်လော်ဘီများက မြန်မာပြည်ဖွားတရုတ်များကို ခြိမ်းခြောက်မှုများ ပြုလုပ်နေ
ရခိုင်ပြည်နယ်တွင်း မြောက်ဦးမြို့ထဲ တိုက်လေယာဉ်ဗုံးကြဲခဲ့လို့ အရပ်သား ၄ ဦးထက်နည်း အသက်ဆုံးရှုံးသွားပါတယ်
နွားထိုးကြီးမှာ တိုက်ပွဲပြင်းထန်