ဘင်္ဂလားဒေ့ရှ်နိုင်ငံသို့ ထွက်ပြေးသွားသော မြန်မာစစ်အုပ်စု ၃၃၀ကို မြန်မာဘက်သို့ပြန်လည်လွှဲပြောင်း

ဖေဖော်ဝါရီ ၁၅၊ VOR

ဘင်္ဂလားဒေ့ရှ်နိုင်ငံသို့ ထွက်ပြေးတိမ်းရှောင်သွားသော မြန်မာနယ်ခြားစောင့်တပ်သားနှင့် တပ်မတော်သား ၃၃၀ ကို မြန်မာ ကိုယ်စားလှယ် အဖွဲ့ထံ လွှဲပြောင်း ပေးအပ်ရန် စီစဉ်ထားကြောင်း ဘင်္ဂလားဒေ့ရှ်မီဒီယာများတွင် ဖော်ပြထားမှုအရ သိရသည်။

ဗိုလ်ချုပ် Mohammad Ashrafuzzaman Siddiqui ဦးဆောင်သော ဘင်္ဂလားဒေ့ရှ် နယ်ခြားစောင့်အဖွဲ့သည် မြန်မာ နယ်ခြားစောင့်ရဲတပ်ဖွဲ့ ကိုယ်စားလှယ်အဖွဲ့နှင့် တွေ့ဆုံခဲ့ကြောင်း သိရသည်။

ရက္ခိုင့်တပ်မတော် AA က မကြာသေးမီက ရခိုင်ပြည်နယ် အတွင်းရှိ မြို့တစ်မြို့ကို သိမ်းပိုက်ခဲ့ပြီး လူ ၃၃၀ သည် ဖေဖော်ဝါရီ ၄ ရက်မှ ၇ ရက်အတွင်း ဘင်္ဂလားဒေ့ရှ်နိုင်ငံသို့ ထွက်ပြေးခဲ့သည်။