ဂန္ထဝင် အနုပညာရှင် ဒေါ်မာမာအေး စျာပနအခမ်းအနားသို့ NUG သမ္မတရုံးပြောခွင့်ရပုဂ္ဂိုလ်တက်ရောက်

ဇန်နဝါရီ ၂၈၊ VOR

နိုင်ငံကျော် ဂန္ထဝင် အနုပညာရှင်ဖြစ်သူ ဒေါ်မာမာအေး၏ စျာပနအခမ်းအနားကို အမေရိကန်ပြည်ထောင်စု၊ အင်ဒီယားနားပြည်နယ်၊ ဖို့တ်ဝိန်းမြို့တွင် ဇန်နဝါရီလ ၂၇ ရက်၊​ စနေနေ့က ကျင်းပပြုလုပ်ခဲ့ရာ နိုင်ငံတော်သမ္မတရုံး ပြောခွင့်ရပုဂ္ဂိုလ် ဦးကျော်ဇော် တက်ရောက်ခဲ့သည်ဟု သိရသည်။

နာရေးအခမ်းအနားတွင် ဦးကျော်ဇော်က ကွယ်လွန်သူ ဒေါ်မာမာအေးအတွက် ချီးကျူး ဂုဏ်ပြု အမှတ်တရစကား ပြောကြားခဲ့သည်ဟု သိရသည်။

ဒေါ်မာမာအေးသည် အသက် ၈၂ နှစ်အရွယ်၊ ဇန်နဝါရီလ ၈ ရက်နေ့တွင် ဖို့တ်ဝိန်းမြို့နေအိမ်၌ ကွယ်လွန်သွားခဲ့ခြင်း ဖြစ်သည်။