ယင်းမာပင်မြို့နယ်နှင့် ဆားလင်းကြီးမြို့နယ်များတွင် စစ်ကြောင်း ဝင်ရောက်နေသဖြင့် ပြည်သူများစစ်ဘေးရှောင်နေရ

ဧပြီ ၆၊ VOR

စစ်ကိုင်းတိုင်း ယင်းမာပင်မြို့နယ်နှင့် ဆားလင်းကြီးမြို့နယ်များတွင် စစ်ကောင်စီတပ်စစ်ကြောင်း ဝင်ရောက်နေသဖြင့် ပြည်သူများစစ်ဘေးရှောင်နေရကာ စားနပ်ရိက္ခာများ လိုအပ်နေကြောင်း Black Vote Fighterတပ်ဖွဲ့ထံက သိရသည်။

ယင်းမာပင်မြို့နယ် တိုက်နယ် ၂ အတွင်း နှင့် ဆားလင်းကြီးမြို့နယ် မြောက်ခြမ်းတွင် စစ်ကောင်စီတပ်စစ်ကြောင်းသည် အင်အားအများအပြားဖြင့် ပြီးခဲ့သည့် မတ်လ ၂၂ရက်မှစတင်ကာ ယနေ့အထိ ပြန်လည်ဆုတ်ခွါခြင်း မရှိသေးကြောင်း၊ ပုသိမ်လမ်းတလျှောက် အင်အားအများဖြင့် ဂုဏ်တောရွာ ကျေးစာကျရွာ များတွင်တပ်စွဲထားသော စစ်ကောင်စီတပ်သားများသည် ထန်းတောကြီးရွာတပ်ဆွဲထားဆဲဖြစ်သဖြင့် ဒေသခံပြည်သူများ နေရပ်စွန့်ခွာ စစ်ဘေးရှောင်နေရကြောင်း သိရသည်။

စစ်ရှောင်ပြည်သူများအတွက် စားနပ်ရိက္ခာအကူအညီများလိုအပ်နေပြီး ကူညီပေးပါရန် Black Vote Fighterတပ်ဖွဲ့က မေတ္တာရပ်ခံထားသည်။