နေပြည်တော်အေလာ လေတပ် ရှော့တိုက်ဒုံး ၂လုံးဖြင့်ပစ်ခတ်တိုက်ခိုက်ခံရ

ဇူလိုင် ၁၆၊ VOR

နေပြည်တော် အေလာ လေတပ်ကို ရှော့တိုက်ဒုံး ၂လုံးဖြင့်ပစ်ခတ်တိုက်ခိုက်ခံရ လို့ ဒေသတွင်းသတင်းအရင်းမြစ်တွေထံက သိရပါတယ်။

နေပြည်တော် အေလာလေတပ်အတွင်းကို ဒီနေ့ ဇူလိုင်လ ၁၆ရက် မနက် ၈နာရီ ၄၅မိနစ်အချိန်မှာ ရှော့တိုက်ဒုံးများ ကျရောက်ပေါက်ကွဲခဲ့တာကြောင့် ထိခိုက်မှုတွေရှိတယ်လို့ သိရပါတယ်။

ရှော့တိုက်ဒုံးကျရောက်ပေါက်ကွဲမှုနဲ့ပတ်သတ်ပြီး အခြေအနေ အသေးစိတ်ကိုတော့မသိရှိရသေးပါဘူး။

စစ်ကောင်စီထောက်ခံ တယ်လီဂရမ်ချန်နယ်တွေမှာတော့ ဒီနေ့မနက် ၈ နာရီ ၄၅ မိနစ်မှာ နေပြည်တော် အေလာလေဆိပ် ရှော့တိုက်ဒုံးနှစ်လုံးနဲ့ ပစ်ခတ်တိုက်ခိုက်ခံရပြီး လေဆိပ်ခြံစည်းရုံးပေါ်ကို တစ်လုံး၊ ကြံစိုက်ခင်းအတွင်းတစ်လုံး ကျရောက်ပေါက်ကွဲတယ်လို့ ရေးသားဖော်ပြနေကြပါတယ်။

မည်သည့်အဖွဲ့ကလုပ်ဆောင်တယ်ဆိုတာမသိရသေးပေမယ့် Brave Warriors for Myanmar – BWM အဖွဲ့က အေလာလေတပ်ကို ၃ကြိမ်ပစ်ခတ်တိုက်ခိုက်ခဲ့ပါတယ်။

ပြီးခဲ့တဲ့ ဧပြီ ၄ ရက် နေ့ကလည်း နေပြည်တော်ရှိ စစ်ကောင်စီရဲ့ စစ်ရုံးချုပ်နဲ့ အေလာလေဆိပ်ကို NUG ကာကွယ်ရေး၀န်ကြီး ဌာနက ဒရုန်းများဖြင့် ပစ်ခတ်တိုက်ခိုက်ခဲ့ပါတယ်။