ကရင်ပြည်နယ်မှာ (၆) လတာ တိုက်ပွဲများအတွင်း စစ်ကောင်စီတပ်ဖွဲ့ဝင် ၁၉၀၀ကျော် သေဆုံး

ဇူလိုင် ၁၃၊ VOR

ကရင်ပြည်နယ်မှာ ကရင်အမျိုးသားလွတ် မြောက်ရေးတပ်မတော်KNLA ပူးပေါင်းတပ်ဖွဲ့က စစ်ကောင်စီတပ်စခန်းတွေကို တိုက်ထုတ်မှုကြောင့် (၆)လအတွင်း စစ်ကောင်စီတပ်ဖွဲ့ဝင် ၁၉၀၀ကျော် သေဆုံးခဲ့တယ်လို့ ကရင်အမျိုးသားအစည်းအရုံး KNU က သတင်းထုတ်ပြန်ပါတယ်။

၂၀၂၄ခုနှစ် ပထမ ၆လအတွင်း KNLA ၊ (K.N.D.O)၊ တော်လှန်ရေး ပူးပေါင်းတပ်ဖွဲ့တွေနဲ့ စစ်ကောင်စီတပ်ကြား တိုက်ပွဲကြီးငယ်ပေါင်း ၁၈၀၀ကျော်ဖြစ်ပွားခဲ့ပြီး စစ်ကောင်စီတပ်ဘက်မှ (၁၉၀၃) ဦးခန့် အသက် သေဆုံးခဲ့ရပြီး (၁၂၇၅) ဦးခန့် ထိခိုက် ဒဏ်ရာရရှိခဲ့တယ်လို့ သိရပါတယ်။၊

အဆိုပါတိုက်ပွဲများအတွင်း တော်လှန်ရေး ပူးပေါင်းတပ်ဖွဲ့များဘက်မှ (၈၁) ဦးခန့် တိုင်းပြည်နဲ့ လူမျိုး အတွက် အသက်ပေးလှူခဲ့ရပြီး (၂၉၈) ဦးခန့်ထိခိုက်ဒဏ်ရာရရှိခဲ့တယ်လို့ သိရပါတယ်။