စကခ (၁၅) မှ ဒုတပ်မမှူးအပါအဝင် စစ်ကောင်စီတပ်ဖွဲ့ဝင် ရာနဲ့ချီလက်နက်ချ

မေ ၆၊ VOR

ဘူးသီးတောင်အခြေစိုက် စစ်ကောင်စီ၏ စကခ (၁၅) တပ်မဌာနချုပ်ကို AA က ထိုးစစ်ဆင်တိုက်ခိုက်မှုအပြီးမှာ လက်နက်ချအညံ့ခံခဲ့တဲ့ ဘူးသီးတောင် စကခ (၁၅) တပ်မဌာနချုပ်မှ ဒုတပ်မမှူးအပါအဝင် စစ်ကောင်စီတပ်ဖွဲ့ဝင်များ နဲ့ ၎င်းတို့၏ တပ်မိသားစုဝင်များအား မေလ (၄) ရက်နေ့၌ တွေ့ရသော ရုပ်သံမှတ်တမ်းကို AA က ဒီကနေ့ထုတ်ပြန်ပါတယ်။

အဆိုပါ စကခ ၁၅ တပ်မဌာနချုပ်ကို အာရက္ခတပ်တော်မှ ကာလအတန်ကြာဝိုင်းရံပိတ်ဆို့ဖြတ်တောက်ထားသဖြင့် စစ်ကောင်စီတပ် အပြတ်အသတ်ရှုံးနိမ့်ကာ လုံးဝမလွတ်မြောက်နိုင်သည့် အခြေအနေ၌ လက်နက်ချလာခြင်းကြောင့် အသက်ရှင်ခွင့်ရခဲ့ခြင်းဖြစ်တယ်လို့ ဆိုပါတယ်။

အဲ့ဒိတပ်သားတွေထဲမှာ မကြာသေးမီကမှ လက်နက်တပ်ဆင်ပေးထားတဲ့ မူဆလင်လူငယ်တွေလဲ ပါဝင်တယ်လို့ AA ရဲ့ ထုတ်ပြန်ချက်အရ သိရပါတယ်။

ရခိုင်ပြည်ဒေသမှာ စစ်ကောင်စီရဲ့ စစ်ဆင်ရေးကွတ်ကဲမှုဌာနချုပ် ၃ခုအနက် ၂ခုနဲ့ လက်အောက်ခံတပ်ရင်းတွေကို ရက္ခိုင့်တပ်တော်က အပြတ်အသတ်တိုက်ခိုက်ချေမှုန်းနိုင်ခဲ့ပြီဖြစ်ပါတယ်။