စစ်ကောင်စီတပ်ပစ်လိုက်သည့် လက်နက်ကြီးကျည်ဆံ ထိုင်းဘက်ကျ

ဧပြီ ၁၉၊ VOR

စစ်ကောင်စီတပ်ဖွဲ့မှ ပစ်ခတ်လိုက်သည့် လက်နက်ကြီး ကျည်ဆံများ ထိုင်းနိုင်ငံမြောက်ပိုင်း မယ်ဟောင်ဆောင်ခရိုင် ဆုမွဲမြို့နယ်ထဲသို့ ကျရောက်ခဲ့ကြောင်း Salween Press မီဒီယာက ဖော်ပြထားသည်။

မာနယ်ပလောဒေသရှိ စစ်ကောင်စီတပ် ၉၁၃ စခန်း(နို့ဒေး) အမြောက်ကုန်းမှ ထိုင်းနိုင်ငံဘက်သို့ပစ်ခတ်ခြင်းဖြစ်ကြောင်း၊ တော်လှန်ရေးတပ်ဖွဲ့ဘက်မှ ဒရုန်း၊စနိုက်ပါနှင့် ပစ်ခတ်တိုက်ခိုက် မှုကြောင့် 81သီးဖြင့် ၅လုံးထက်မနည်း ပြန်လည် ပစ်ခတ်ခြင်းဖြစ်ကြောင်း ဒေသခံများ၏ ပြောဆိုမှုကိုသိရှိရကြောင်း ဖော်ပြထားသည်။

နယ်မြေခံတာဝန်ကျထိုင်းစစ်သားများက ကျည်ကျသည့် နေရာကိုလိုက်ကြည့်ရှု မှတ်တမ်းယူထားပြီး အထက်ကိုတင်ပြမည်ဖြစ်ကြောင်း သိရသည်။