စစ်အင်အားလာဖြည့်သည့် စစ်ကောင်စီတပ် မြေသယ်ကား ၂ စီးကို တိုက်ခိုက်ရာ မြေသယ်ကား ၁ စီး တိမ်းမှောက်သွားပြီး စစ်သား ၄၀ ဦးခန့် သေဆုံး

ဧပြီ ၁၊ VOR

တနင်္သာရီတိုင်း၊ ထားဝယ်မြို့နယ်၊ စစ်ကောင်စီ အမြောက်တပ် ၃၀၂ တပ်ရင်းထံ စစ်အင် အား လာဖြည့်တင်းသည့် မြေသယ်ကား ၂ စီးကို ပစ်ခတ်တိုက်ခိုက်ခဲ့ရာ စစ်သား ၄၀ ဦးခန့်သေဆုံးခဲ့ကြောင်း Ba Htoo Army က သတင်းထုတ်ပြန်သည်။

ရေဖြူမြို့နယ်၊ ကလိန်အောင်မြို့ဘက်မှ ရေး – ထားဝယ် လမ်းမကြီးအတိုင်း ထားဝယ်မြို့နယ်၊ အမတ ၃၀၂ တပ်ရင်းထံ စစ်အင်အား လာရောက်ဖြည့်တင်းသည့် မြေသယ်ကား ၂ စီးပေါ်က စစ်သားများကို ကြားဖြတ်တိုက်ခိုက်ခဲ့ရာ ကား ၁ စီးလမ်းဘေးထိုးကျတိမ်းမှောက်သွားခဲ့ပြီး ကားပေါ်ပါ စစ်သား ၄၀ ခန့်သေဆုံးကာ အများအပြား ဒဏ်ရာရရှိသွားကြောင်း သိရသည်။

အဆိုပါတိုက်ခိုက်မှုကို KNLA တပ်မဟာ ၆ ၊ တပ်ရင်း ၂၇ နဲ့ ဗထူးတပ်မ တော် -BHA တပ်ဖွဲ့တို့ ပူးပေါင်းတိုက်ခိုက်ခဲ့ခြင်းဖြစ်ပြီး တော်လှန်ရေးတပ်ဖွဲ့ဝင်များ အထိအခိုက်မရှိ အောင်မြင်စွာ ဆုတ်ခွာနိုင်ခဲ့ကြောင်း သိရသည်။

၂၀၂၄ ခုနှစ်အတွင်း အာဏာသိမ်းစစ်တပ်အား စစ်ရေးအရှိန်မြင့်ကာ အမြစ်ပြတ် တိုက်ခိုက်ချေမှုန်း သွားမည်ဖြစ်သဖြင့် ပြည်သူများ စစ်ရေး အသိ၊ သတိရှိစွာ သွားလာနေထိုင်ရန်နှင့် ပြည်သူ့ကာကွယ်ရေးအဖွဲ့များ တရားဝင်အသိပေး ထုတ်ပြန်ထားတဲ့ ထုတ်ပြန်ချက်များကို လေးစားလိုက်နာကြရန် မေတ္တာရပ်ခံထားသည်။