နေ့စဉ်သတင်းအစီအစဉ် (24.3.2024 – VOR)

မုံရွာအရာတော်လမ်းပိုင်း ကျွန်းဖိုပင်ကျေးရွာမှာတပ်စွဲထားတဲ့ မင်းအောင်လှိုင်တပ်သားတွေနဲ့ ကမ်းဖြူကျေးရွာက စစ်သားတွေလိုက်ပါတဲ့ ၆ ဘီးကားတစီးနဲ့ နောက်ထပ် လိုက်ထရပ်ကားတစီး စုစုပေါင်းနှစ်စီးကို ပင်လုံဆီဆိုင်အနီးမှာ တော်လှန်တပ်တွေ အနီးကပ်တိုက်ပါတယ်။

–

မကွေးတိုင်း၊ ရေစကြိုမြို့ပေါ်ရှိ အထွေထွေ အုပ်ချုပ်ရေးမှူးရုံး အပါအဝင် အကြမ်းဖက် စစ်တပ်က တပ်စွဲထားသော နေရာများကို တပြိုင်တည်း ဝင်ရောက် တိုက်ခိုက်ခဲ့ပါတယ်။ တိုက်ပွဲမှာ မင်းအောင်လှိုင် စစ်သား ၇ ဦးသေဆုံးခဲ့ကြောင်း Myingyan Black Tiger – MBT တပ်ဖွဲ့ ခေါင်းဆောင် ဗိုလ်မိုက်ခဲက သတင်းထုတ်ပြန်ထားပါတယ်။

–

အမှတ် ၁၀၁ ခြေမြန်တပ်မဌာနချုပ်မှ ထွက်ခွာလာသည့် ကားအစီး ၁၂၀ ကျော်ပါ ရိက္ခာပို့ စစ်ယာဉ်တန်းကို ဒရုန်းဖြင့် ဗုံးကျဲပြီး မိုင်းဆွဲ တိုက်ခိုက်တာ ဖြစ်ပါတယ်။ မင်းအောင်လိုင် စစ်သား ၄ ဦးသေဆုံးခဲ့ကြောင်း မြိုင်ပကဖမှ သတင်းထုတ်ပြန်ထားပါတယ်။

–

စစ်ကောင်စီတပ်တွေ ထိုင်ခဲ့တဲ့ ကချင်ပြည်နယ်၊ မံစီမြို့နယ်၊ မိုင်းခေါင်ရွာသစ်စခန်းဖြစ်ပါတယ်။ မင်းအောင်လှိုင်စစ်သားတွေကတော့ ကြိုတင်ထွက်ပြေးသွားပါပြီ။ ထွက်ပြေးတပ်ဖွဲ့ကို ခလရ ၁၂၁ မှ ဗိုလ်မှူး သန့်ဇင်ကိုကို ဦးစီးတယ်လို့သိရပြီး အင်အား ၅၀ ခန့်ပါတယ်လို့ သတင်းကဆိုပါတယ်။ အခုလို စစ်တိုက်ဖို့ လူမရှိတဲ့ စခန်းကိုတော့ ကေအိုင်အေတပ်များက အလွယ်တကူ ဝင်ရောက်သိမ်းပိုက်လိုက်ကြတာ ဖြစ်ပါတယ်။

–

ရွှေဘိုမြို့ပေါ်မှာ စစ်တပ်ထောက်ပို့ကား အင်အား ၆၀ ကိုတိုက်ရာမှာ ၇ ဉီးကို ဒဏ်ရာအပြင်းအထန်ရစေခဲ့ပါတယ်။ ရုပ်သံမှတ်တမ်းများနှင့်တကွ ရှုစား နားဆင်ရမယ့် တိုက်ပွဲသတင်းတွေ ဖြစ်ပါတယ်ခင်ဗျာ