လက်နက်ငယ်​ပေါင်း (၈၆)လက် ၊ ၆၀မမ ၊ ၈၁မမ ၊ ၁၂၀မမ အပါအဝင် စစ်သုံးပစ္စည်းများစွာကို ကျိုက်ဒုံဗျူဟာမှ သိမ်းပိုက်ရရှိ

မတ် ၁၇၊ VOR

ကရင်ပြည်နယ် ကော့ကရိတ်မြို့နယ်၊ ကျိုက်ဒုံတွင်လာ​ရောက်အ​ခြေပြုလျှက်ရှိ​သော စစ်​ကောင်စီတပ် စကခ(၁၃) လက်​အောက်ခံ ကျိုက်ဒုံဗျူဟာကို ကရင်အမျိုးသားလွတ်​မြောက်​ရေးတပ်မ​တော် တပ်မဟာ(၆) ဦး​ဆောင်​သော​တော်လှန်​ရေးပူး​ပေါင်းတပ်ဖွဲ့များမှ တိုက်ခိုက်သိမ်းပိုက်ခဲ့ရာ လက်နက်ခဲယမ်းများစွာ သိမ်းပိုက်ရရှိခဲ့ကြောင်း KNLA ဗဟိုက သတင်းထုတ်ပြန်သည်။

ကျိုက်ဒုံဗျူဟာစခန်းသိမ်းတိုက်ပွဲတွင် စစ်​ကောင်စီတပ်ထံမှ RPG/ပွိုင့်5/ငါးကြင်းမှီးစက်​သေနတ်အပါအဝင် လက်နက်ငယ်​ပေါင်း (၈၆)လက် ၊ ၆၀မမ(၄)လက် ၊ ၈၁မမ(၂)လက် ၊ ၁၂၀မမ(၁)လက် ၊ Drone Gun(၂)လက် ၊ ခဲယမ်းကျည်များ နှင့်စစ်အသုံးအ​ဆောင်ပစ္စည်း​မြောက်များစွာတို့ကို သိမ်းပိုက်ရရှိခဲ့ကြောင်း သိရသည်။

ဇန်နဝါရီလ ၂၇ ရက်​နေ့မှစ၍ ပူးပေါင်းတပ်များမှ ဝိုင်းပတ်ပိတ်ဆို့ထားရှိကာ မတ်လ ၁၃ရက် နံနက် ၆နာရီ မိနစ် ၅၀အချိန်တွင် တက်​ရောက်​ချေမှုန်းတိုက်ခိုက်ခဲ့ပြီး မတ်လ ၁၄ရက် ည​နေ ၄နာရီခွဲ အချိန်တွင် စခန်းအားအပြီးပိုင် သိမ်းပိုက်ရရှိခဲ့သည်။