မတ် ၁၅၊ VOR
ကရင်ပြည်နယ်၊ မြဝတီမြို့အဝင်ရှိ သင်္ဃန်းညီနောင်တွင် စစ်ကောင်စီတပ် ခမရ ၃၅၇ကို သိမ်းပိုက်နိုင်ရေး တော်လှန်ရေးတပ်များထိုးစစ်ဆင် တိုက်ပွဲပြင်းထန်လျက်ရှိပြီး ၎င်းစခန်းအား သိမ်းပိုက်ရရှိပြီဟု သတင်းများလည်း ထွက်ပေါ်လျက်ရှိသည်။
မတ်လ (၇) ရက်နေ့ကစပြီး KNLA၊ PDF ပူးပေါင်းအဖွဲ့တို့ က သင်္ဃန်းညီနောင်ရှိ ခလရ ၃၅၅၊ ၃၅၆၊ ၃၅၇ ကို တပြိုင်တည်းဝင်ရောက်တိုက်ခိုက်ခဲ့ရာ ခမရ ၃၅၅ အား PDF များသိမ်းပိုက်ပြီးနောက် ခမရ ၃၅၆ နှင့် ၃၅၇ တို့ပူးပေါင်းနေကြသည့် ၃၅၇ အားသိမ်းပိုက်နိုင်ရန် ထိုးစစ်ဆင်နေခြင်းဖြစ်သည်။
စစ်ကောင်စီတပ်ဘက်မှ စခန်းမကျဆုံးစေရေး အပြင်းအထန်ခုခံလျက်ရှိပြီး နယ်ခြားစောင့်တပ် BGF များကပါ စစ်တပ်ဘက်မှ စစ်ကူပေးနေကြောင်း ဒေသတွင်းမီဒီယာများထံက သိရသည်။
ခမရ ၃၅၅ စခန်းသိမ်းတိုက်ပွဲတွင် စစ်ကောင်စီ၏ လေကြောင်းတိုက်ခိုက်မှု၊ လက်နက်ကြီးပစ်ခတ်မှုတို့ကြောင့် အရပ်သား ၁၀ ဦးသေဆုံးပြီး နေအိမ်အလုံး ၂၀ မီးလောင်ပျက်စီးခဲ့ကြောင်း KNU ဗဟိုက ယမန်နေ့က သတင်းထုတ်ပြန်ထားသည်။
More Stories
မဲပလီစခန်းက ဒုတပ်ရင်းမှူး ဗိုလ်မှူးခန့်နိုင်၊ ဗိုလ်ကြီးဇော်မင်းအပါ ၄၀ကျော်သေဆုံးပြီး စစ်ဦးစီး(တတိယတန်း)G3 ဗိုလ်ကြီးသော်တာအပါအဝင် စစ်သုံ့ပန်း(၂၇)ဦးဖမ်းမိ
ငဖဲရှိ ဂုတ်စည်းရိုးစခန်းကို AA သိမ်းပိုက်၊ မအလ ဇာတိ မင်းဘူးမြို့ထိ တိုက်ပွဲနီးကပ်လာ
တိုက်ပွဲသတင်းများ