သိမ်းပိုက်ထားသည့် မြို့ ၃မြို့အပေါ် စစ်ကောင်စီကထုတ်ပြန်သည့် စစ်အုပ်ချုပ်ရေးအမိန့်ကို TNLA ရုတ်သိမ်း

မတ် ၆၊ VOR

ရှမ်းမြောက်ဒေသရှိ တအောင်းအမျိုးသားလွတ်မြောက်ရေးတပ်မတော် TNLA သိမ်းပိုက်ထားသော မန်တုံ၊ နမ့်ဆန်နှင့် နမ္မတူ မြိုနယ် ၃ ခုတွင် စစ်ကောင် စီက စစ်အုပ်ချုပ်ရေး အမိန့် ကြေညာမှုကို TNLA က လက်မခံဘဲ ကန့်သတ်ချက်အမိန့်များအားလုံး ရုပ်သိမ်းလိုက်ကြောင်း ယနေ့ တရားဝင် ထုတ်ပြန် ကြေညာသည်။

ရှမ်းမြောက်ဒေသရှိ TNLA က သိမ်းပိုက်ထားသည့် မြို့ ၃မြို့ကို စစ်ကောင်စီက မတ်လ ၄ ရက်နေ့တွင် စစ်အုပ်ချုပ်ရေး ကြေညာခဲ့သည်။

စစ်ကောင်စီ၏ ထိုကြေညာချက်သည် တအောင်းပြည်နယ်အတွင်း ဒေသခံပြည်သူလူထုကို ထိတ်လန့်စေသည့်အတွက် စစ်ကောင်စီ၏ စစ်အုပ်ချုပ်ရေးအမိန့်များအပါအဝင် ၁၀၂၇ စစ်ဆင်ရေးအတွင်း ချမှတ်ခဲ့သည့် ကန့်သတ်ချက်များ၊ အမိန့်များအားလုံးကို ပြန်လည်ရုပ်သိမ်းလိုက်ပြီဖြစ်ကြောင်း TNLA က ပြန်လည် ထုတ်ပြန်သည်။

TNLA က ထိန်းချုပ်ပြီး စီမံအုပ်ချုပ်နေသည့် မြို့ ၇ ခုအတွင်း စီမံအုပ်ချုပ်ရေးလုပ်ငန်း တည်ငြိမ်တိုးတက်လာသည့်အတွက် ညမထွက်ရအမိန့်အပြင် စစ်ဆင်ရေးအတွင်း လိုက်နာရမည့်ကန့်သတ်ချက်များအားလုံးကို ပြန်လည်ရုပ်သိမ်းလိုက်ပြီဟု ဆိုသည်။

TNLA သည် ၎င်းတိုသိမ်းပိုက်ထိန်းချုပ်နေသည့် မြိုရွာများတွင် တရားဥပဒေစိုးမိုးရေး၊ မူးယစ်ဆေးဝါးတိုက်ဖျက်ရေး၊ ကျားဖြန့်လုပ်ငန်းများအပါအဝင် လောင်းကစားများကင်းစင်ရေး၊ ဒေသတည်ငြိမ်အေးချမ်းရေးအတွက် မျှတသည့် ဥပဒေနှင့် စီမံအုပ်ချုပ်မှုတိုဖြင့် ကြိုးပမ်းအကောင်အထည်ဖော်လျက်ရှိသည်ဟု ကြေညာထားသည်။