မတ် ၄၊ VOR
မြောက်ပိုင်း ညီနောင် မဟာမိတ် (၃) ဖွဲ့ဖြစ်သည့် ကိုးကန့်တပ် MNDAA၊ တအာင်းအမျိုးသားလွတ်မြောက်ရေးတပ် TNLA၊ ရက္ခိုင့်တပ်တော် AA တို့နှင့် စစ်ကောင်စီကြား အပစ်အခတ်ရပ်စဲရေး ဆွေးနွေးမှု ရှိနေသော်လည်း ရှမ်းမြောက်ဒေသတစ်ခုသာပါဝင်ပြီး ရခိုင်ဒေသသ ပါဝင်ခြင်းမရှိသေးဟု AA ဒု စစ်ဦးစီးချုပ် ဒေါက်တာ ညိုထွန်းအောင် ပြောဆိုလိုက်သည်။
မြောက်ပိုင်းညီနောင်မဟာမိတ်သုံးဖွဲ့နှင့် စစ်ကောင်စီတို့ကြား ဆွေးနွေးမှုတချို့ရှိနေသော်လည်း ရှမ်းမြောက်ဒေသ၌ ယခင် အပစ်အခတ်ရပ်စဲရေးသဘောတူညီမှုတစ်ရပ်ကို ပိုမိုခိုင်မာအောင် ဆွေးနွေးပြောဆိုခြင်းသာရှိခဲ့ကြောင်း ဒေါက်တာညိုထွန်းအောင်က ပြောသည်။
” ရခိုင်ဒေ မှာတော့ လက်ရှိမြင်တွေ့နေတဲ့ အတိုင်းပါပဲ” ဟု AA ဒုစစ်ဦးစီးချုပ် ဒေါက်တာညိုထွန်းအောင်က သတင်းထောက်များကို ယနေ့ ULA /AA ၏ သတင်းစာရှင်းပွဲတွင် ဖြေဆိုခဲ့သည်။
ထို့နောက် သတင်းထောက်တစ်ဦးက AA၏ စစ်ရေး ရည်မှန်းချက်က ဘယ်အထိရှိနိုင်သလဲဟု မေးမြန်းရာတွင် ရက္ခိုင့်တပ်တော် ပြောရေးဆိုခွင့်ရှိသူ ဦးခိုင်သုခ က ရခိုင်ဒေသ တစ်ခုလုံး စစ်ကောင်စီ ကင်းစင်သည်ထိ တိုက်ခိုက်သွားမည်ဟု ဖြေဆိုခဲ့သည်။
More Stories
စစ်တပ်က ဖမ်းဆီးခြင်းကို ခံထားရတဲ့ပြည်သူ တစ်ဦး လက်နက်တွေပါယူဆောင်ပြီး တော်လှန်ရေးတပ်တွေထံ အပ်နှံလို့ သိန်းတစ်ရာချီးမြှင့်၊ပခုက္ကူ တပ်မ ၁၀၁က တပ်သားသစ်စုဆောင်းခံရသူတစ်ဦး လက်နက်တွေနဲ့အလင်းဝင်လာလို့ သိန်း ၁၀၀နဲ့ ဖုန်း ၁လုံးချီးမြှင့်
ငဖဲရှိ ဂုတ်စည်းရိုးစခန်းကို AA သိမ်းပိုက်၊ မအလ ဇာတိ မင်းဘူးမြို့ထိ တိုက်ပွဲနီးကပ်လာ
တိုက်ပွဲသတင်းများ