မတ် ၁ ၊ VOR
မီဇိုရမ်ပြည်နယ် လွှတ်တော်အမတ် Pu Valalvena နဲ့ ရက္ခိုင့်တပ်တော် (AA) တာဝန်ရှိသူတို့ အိန္ဒိယနိုင်ငံ၊ မီဇိုရမ်ပြည်နယ်၊ ဇိုရမ်ပူဒေသနဲ့ ချင်းပြည်နယ်၊ ပလက်ဝမြို့တို့ကို ဆက်သွယ်ရေး ကားလမ်းဖောက်လုပ်ရေးကိစ္စနဲ့ပတ်သက်လို့ ဖေဖော်ဝါရီလ ၂၉ ရက်နေ့က နှစ်နိုင်ငံနယ်စပ်မှာ တွေ့ဆုံဆွေးနွေးခဲ့ကြတယ်လို့ ဒေသတွင်း သတင်းဌာနတစ်ခုဖြစ်တဲ့ The Lairam Times က ဖော်ပြထားပါတယ်။
ကုလားတန်မြစ်ကြောင်း ဘက်စုံသယ်ယူပို့ဆောင်ရေးစီမံကိန်း (KMMTTP) အရ ၄င်းလမ်းဟာ ပလက်ဝ-ဇိုရမ်ပူ လမ်းပိုင်း၊ ပလက်ဝမြို့ ဆိပ်ခံတံတားကနေ အိန္ဒိယနိုင်ငံအထိ ဆက်သွယ်သွားလာနိုင်အောင် ဖောက်လုပ်သွားမည်ဖြစ်ပြီး လမ်းအရှည် ၁၀၀ ကီလိုမီတာ၊ အကျယ် ၂၇ ပေရှိ လေးလမ်းသွား ကားလမ်းမဖြစ်ပါတယ်။
၂၀၂၀ ခုနှစ်က ရပ်နားထားခဲ့ရတဲ့ အဲ့ဒီလမ်းမဟာ ၂၀၂၃ ခုနှစ် အစပိုင်းမှာ ပြန်လည်စတင်ခဲ့ပေမယ့် တိုက်ပွဲတွေကြောင့် ပြန်ရပ်ထားရပြီး ပလက်ဝမြို့ကို AA က သိမ်းယူပြီးနောက် အခုလို လမ်းဖောက်လုပ်ရေး ပြန်စတင်လာခြင်းဖြစ်ပါတယ်။
အိန္ဒိယနိုင်ငံဟာ ကုလားတန်မြစ်ကြောင်း ဘက်စုံသုံး သယ်ယူပို့ဆောင်ရေးစီမံကိန်းအတွက် အမေရိကန်ဒေါ်လာ ၄၈၄ သန်း ရင်းနှီးမြှုပ်နှံထားပါတယ်လို့သိရပါတယ်။
More Stories
စစ်တပ်က ဖမ်းဆီးခြင်းကို ခံထားရတဲ့ပြည်သူ တစ်ဦး လက်နက်တွေပါယူဆောင်ပြီး တော်လှန်ရေးတပ်တွေထံ အပ်နှံလို့ သိန်းတစ်ရာချီးမြှင့်၊ပခုက္ကူ တပ်မ ၁၀၁က တပ်သားသစ်စုဆောင်းခံရသူတစ်ဦး လက်နက်တွေနဲ့အလင်းဝင်လာလို့ သိန်း ၁၀၀နဲ့ ဖုန်း ၁လုံးချီးမြှင့်
ငဖဲရှိ ဂုတ်စည်းရိုးစခန်းကို AA သိမ်းပိုက်၊ မအလ ဇာတိ မင်းဘူးမြို့ထိ တိုက်ပွဲနီးကပ်လာ
တိုက်ပွဲသတင်းများ