မကွေး နတ်မောက်တွင် စစ်ကောင်စီတပ်စစ်ကြောင်း တိုက်ခိုက်ခံရပြီး စစ်သား ၆ဦးသေဆုံး

ဖေဖော်ဝါရီ ၂၆၊ VOR

မကွေးတိုင်း၊ နတ်မောက်မြို့နယ် ကံသာဘက်ခြမ်းမှ တက်လာသော အင်အား ၃၀ပါစစ်ကြောင်းအား ပဒေသာဆွဲမိုင်းများဖြင့် တိုက်ခိုက်ခဲ့ရာ စစ်သား ၆ဦးသေဆုံးကြောင်း ကြိုးကြာနီတပ်ဖွဲ့ က သတင်းထုတ်ပြန်သည်။

ယနေ့ ဖေဖော်ဝါရီ ၂၆ရက်နေ့ နံနက် ၁၀နာရီ ဝန်းကျင်ခန့်တွင် မကွေးတိုင်း နတ်မောက်မြို့နယ် အရှေ့ခြမ်းကို စစ်ကြောင်းထိုးနေသော စစ်အင်အား (၁၅၀)ဝန်းကျင်အနက်၊ ကံသာဘက်ခြမ်းမှ တက်လာသော အင်အား ၃၀ပါစစ်ကြောင်းအား ပဒေသာဆွဲမိုင်းများဖြင့် တိုက်ခိုက်ခဲ့ရာ စစ်သား ၆ဦးသေဆုံးကြောင်း သိရသည်။

အဆိုပါတိုက်ခိုက်မှုကို ဗိဿနိုးလက်အောက်ခံ​​ ကြိုးကြာနီတပ်ဖွဲ့ / နတ်‌မောက်(ပကဖ)၊မြို့သစ်(ပကဖ)၊ငါးပြေမတပ်ဖွဲ၊ Aung San Lant၊ ဗိဿနိုးလက်အောက်ခံကျားသစ်နက်တပ်ဖွဲ့ များမှ ပူးပေါင်းလုပ်ဆောင်ခဲ့ခြင်းဖြစ်ကြောင်း သိရသည်။